అప్పుడే ఆ పని మొదలు పెట్టిన మెగా కోడలు.. ఫైర్ అవుతోన్న నెటిజన్లు!
దిశ, వెబ్‌డెస్క్: వరుణ్ తేజ్- లావణ్య త్రిపాఠి త్వరలోనే వివాహ బంధంతో ఒక్కటవ్వబోతున్న సంగతి తెలిసిందే. కాగా.. హైదరాబాద్‌లో నాగబాబు నివాసంలో మణికొండ ఫామ్ బీడ్ గేటెడ్ కమ్యూనిటీలో జూన్ 9న వరుణ్-లావణ్యల నిశ్చితార్థం వేడుక అంగరంగ వైభవంగా జరిగింది. అల్లు అర్జున్, చిరంజీవి, పవన్ కళ్యాణ్, సాయి ధరమ్ తేజ్, వైష్ణవ్‌తో పాటు మెగా ఫ్యామిలీ మొత్తం కుటుంబ సభ్యులు ఈ వేడుకలో పాల్గొని తెగ సందడి చేశారు. అయితే పెళ్లి అనంతరం సినిమాలకు దూరంగా ఉండాలని మెగా కుటుంబం లావణ్యకు కండిషిన్ పెట్టినట్లు వార్తలు వినిపిస్తున్నాయి. ఇదిలా ఉండగా.. తాజాగా డిస్నీ ప్లస్ హాట్ స్టార్‌లో ఓ వెబ్ సిరీస్ కోసం లావణ్య రంగంలోకి దిగబోతున్నట్టు తెలుస్తోంది.
కాగా, హాట్ స్టార్ కోసం ఆమె ఓ సిరీస్ చేయనున్నారని.. ప్రస్తుతం ఈ సిరీస్ షూటింగ్‌లో పాల్గొన్నట్లు సమాచారం. షూటింగ్ లొకేషన్‌లోని సీన్ పేపర్ చదువుతూ.. ‘‘ఈసారి డిస్నీ ప్లస్ హాట్ స్టార్ కోసం’’ అంటూ ఒక క్యాప్షన్ పెట్టారు. దీంతో ఈ అందాల రాక్షసి నటనకు గుడ్‌బై చెప్పలేదని అందరికీ స్పష్టంగా అర్థమయిపోయింది. ప్రస్తుతం దీనికి సంబంధించిన ఫోటోలు నెట్టింట వైరల్‌గా మారడంతో లావణ్య పెళ్లి తర్వాత కూడా సినిమాల్లో నటిస్తుందా? మెగా ఫ్యామిలీ పెట్టిన కండిషన్స్ ఇప్పుడే బ్రేక్ చేస్తోందా? అంటూ మెగా అభిమానులు ఆగ్రహం వ్యక్తం చేస్తు్న్నారు.
ఇవి కూడా చదవండి:పెళ్లి కాకముందే వరుణ్ తేజ్.. లావణ్యకు చుక్కలు చూపిస్తున్నాడుగా?
