Nandamuri Mokshagna: ఇంట్రడక్షన్ సీన్, స్టోరీ అంచనాలకు మించి ఉంటుంది.. మోక్షజ్ఞ ఆసక్తికర పోస్ట్

దిశ, సినిమా: బాలయ్య తనయుడు మోక్షజ్ఞ టాలీవుడ్ ఎంట్రీ ఇస్తున్నాడని గత కొద్ది కాలంగా వార్తలు వస్తున్న సంగతి తెలిసిందే. ఇటీవల తన సినీ రంగ ప్రవేశం గురించి స్వయంగా తనే ట్విట్టర్ వేదికగా అధికారిక ప్రకటనను విడుదల చేయడంతో అందరి దృష్టి ఈ మూవీపైనే పడింది. ముఖ్యంగా.. ఈ స్టార్ కిడ్ ఫస్ట్ సినిమానే హిట్ డైరెక్టర్ ప్రశాంత్ వర్మతో ఫిక్స్ చేసుకున్నాడు. దీంతో వీరిద్దరి కాంబోలో వస్తున్న చిత్రంపై ప్రేక్షకుల్లో భారీ అంచనాలు నెలకొన్నాయి. కానీ దీనికి సంబంధించిన అప్డేట్స్ మాత్రం విడుదల కాలేదు.

దీంతో నందమూరి ఫ్యాన్స్ నిరాశ చెందుతున్నారు. ఈ క్రమంలో.. తాజాగా, నందమూరి బాలయ్య తనయుడు మోక్షజ్ఞ సోషల్ మీడియా వేదికగా తన మూవీకి సంబంధించిన విషయాలు తెలుపుతూ.. ఫ్యాన్స్‌ను ఆనందపరుస్తున్నాడు. ట్విట్టర్ వేదికగా ఆయన వేసిన పోస్ట్ మూవీపై హైప్‌ను పెంచేలా ఉంది. అందులో ఏం చెప్పాడంటే.. ‘‘ఇంట్రడక్షన్ సీన్, స్టోరీ, ఎలివేషన్, హై మూమెంట్స్, అన్ని మీ అంచనాలను మించి ఉంటాయి’’ అని రాసుకొచ్చాడు. ఇక ఈ పోస్ట్ చూసిన ఫ్యాన్స్ సినిమా ఎప్పుడెప్పుడు విడుదలవుతుందా అని ఆతృతగా ఎదురుచూస్తున్నారు. అలాగే మోక్షజ్ఞ చేయబోతున్న ఫస్ట్ మూవీ హిట్ అందుకోవాలని ఆల్ ది బెస్ట్ కూడా చెబుతున్నారు.