సినీ ఇండస్ట్రీపై రాకేష్ మాస్టర్ అభిమానులు ఫైర్.. చనిపోయినా పట్టించుకోవట్లేదంటూ

దిశ, సినిమా: ప్రముఖ డ్యాన్స్ మాస్టర్ రాకేష్‌ ఆదివారం సాయంత్రం 5 గంటలకు చనిపోయారు. ఆయన మరణం రెండు తెలుగు రాష్ట్రాల్లోని అభిమానులను షాక్‌కు గురి చేస్తోంది. దీంతో సోషల్‌ మీడియా వేదికగా సంతాపం తెలియజేస్తున్నారు ఫ్యాన్స్. ఇక ఆయన చనిపోయి ఒకరోజు గడుస్తున్నా ఇప్పటివరకు సినీ పరిశ్రమ నుంచి ఎలాంటి స్పందన రాకపోవటం గమనార్హం. దీంతో ‘బతికున్నపుడు ఎలాంటి అవకాశాలు ఇవ్వకుండా ఇబ్బంది పెట్టారు, అవమానించారు. ఇప్పుడు మాస్టర్ చనిపోయిన కూడా పరిశ్రమ నుంచి ఎవ్వరూ స్పందించకుండా అవమానిస్తున్నారు. ఇప్పటి వరకు రాకేష్ మాస్టర్ 1500లకు పైగా సినిమాలకు కొరియోగ్రాఫర్‌గా పనిచేశారు. అతని కింద పనిచేసిన వారు ఇప్పుడు ఇండస్ట్రీని ఏలుతున్నారు. వారంతా ఎక్కడ ఉన్నారు చనిపోయారా’ అంటూ ఆయన అభిమానులు ఫైర్ అవుతున్నారు.

Also Read..

రాకేశ్ మాస్టర్ మృతిపై గాంధీ ఆస్పత్రి డాక్టర్ల రియాక్షన్ ఇదే!