జోరుగా ఉండబోతున్న పోరు!.. అక్టోబర్‌లో సేమ్ డేట్‌ను లాక్ చేసిన ఎన్టీఆర్-రజనికాంత్
దిశ, సినిమా: యంగ్ టైగర్ ఎన్టీఆర్ హీరోగా కొరటాల శివ దర్శకత్వంలో తెరకెక్కుతున్న చిత్రం ‘దేవర’. ఎన్టీఆర్ సరసన బాలీవుడ్ బ్యూటీ జాన్వీ కపూర్ నటిస్తుంది. ఈ మూవీని ఎన్టీఆర్ ఆర్ట్స్, యువ సుధా ఆర్ట్స్ బ్యానర్లపై మిక్కిలినేని సుధాకర్, కొసరాజు హరికృష్ణ, నందమూరి కళ్యాణ్ రామ్ నిర్మిస్తున్నారు. ఇక అక్టోబర్ 10న గ్రాండ్‌గా రిలీజ్ చెయ్యడానికి రెడీ అవుతున్నారు మేకర్స్. RRR మూవీ తర్వాత ప్యాన్‌ ఇండియా రేంజ్‌లో ఎన్టీఆర్‌కి సెకండ్‌ వెంచర్‌ మూవీ దేవర. కాగా ఎలాగైనా సక్సెస్‌ కొట్టి చూపించాల్సిన సిట్చువేషన్‌లో ఉన్నారు యంగ్ టైగర్.
అదేవిధంగా తారక్‌ బరిలోకి దిగుతున్న సేమ్ డేట్‌కి జనాల్లోకి వచ్చేస్తున్నారు వేట్టయాన్‌ రజనీకాంత్‌. ఆల్రెడీ సక్సెస్‌ ట్రాక్‌లో ఉన్న టి.జె.జ్జానవేల్‌ ఈ సినిమాకు దర్శకత్వం వహిస్తున్నారు. నార్త్ ఇండియా నుంచి అమితాబ్‌, సౌత్‌ ఇండియా నుంచి ఫాహద్‌, రానా దగ్గుబాటి అంటూ భారీ స్టార్ కాస్ట్ ఉంది ఈ మూవీలో. అక్టోబర్ 10న వేట్టయాన్‌ని విడుదల చేయనున్నట్లు లైకా ప్రొడక్షన్స్ ప్రకటించినది. రజనీకాంత్‌కి జైలర్‌ తర్వాత విడుదలవుతున్న మూవీ కావడంతో పాజిటివ్ టాక్ ఆల్రెడీ స్టార్ట్ అయింది. తమిళనాడులో రజనీకి, తెలుగు రాష్ట్రాల్లో ఎన్టీఆర్‌కీ ఫుల్ ఫ్యాన్‌ బేస్, కలెక్షన్ల హడావిడి ఉందన్న విషయం తెలిసిందే. మరి పాన్ ఇండియా రేంజ్‌లో మిగిలిన చోట్ల పోటీ ఎలా ఉంటుందనేదాని మీద హాట్ టాపిక్ నడుస్తుంది.
