Malavika Mohanan: నెటిజన్ ఆరోపణలు.. అది అబద్ధం తెలుగువారంటే ఇష్టమంటూ రాజాసాబ్ బ్యూటీ ఆసక్తికర పోస్ట్

దిశ, సినిమా: కోలీవుడ్ యంగ్ బ్యూటీ మాళవిక మోహనన్ అందరికీ సుపరిచితమే. ఈ అమ్మడు తెలుగులో పాన్ ఇండియా స్టార్ ప్రభాస్ ‘రాజాసాబ్’ మూవీతో టాలీవుడ్ ఇండస్ట్రీకి ఎంట్రీ ఇవ్వబోతోంది. అలాగే తమిళ స్టార్ హీరో చియాన్ విక్రమ్ తంగలాన్ సినిమాతో ప్రేక్షకుల ముందుకు రాబోతుంది. ఈ మూవీ ఆగస్టు 15న విడుదల కాబోతుండటంతో టీమ్ మొత్తం ప్రమోషన్స్‌లో ఫుల్ బిజీగా ఉన్నారు.

అయితే సోషల్ మీడియాలో యాక్టివ్‌గా ఉంటున్న మాళవిక నెటిజన్లతో చిట్ చాట్ చేసింది. వారు అడిగిన ప్రశ్నలకు సమాధానాలు చెబుతూ వచ్చింది. ఈ క్రమంలో.. ఓ నెటిజన్ తమిళ వాళ్లకు మాత్రమే రిప్లై ఇస్తుంది. తెలుగు వాళ్లని పట్టించుకోవడం లేదు తంగలాన్ సినిమా హిట్ కావాలని విష్ చేయాలని అనుకున్నా అని పోస్ట్ పెట్టాడు. దానికి ఈ బ్యూటీ ట్విట్టర్ వేదికగా రియాక్ట్ అయింది. ‘‘ అది నిజం కాదు. నా బెస్ట్ ఫ్రెండ్స్‌లో కొంతమంది తెలుగువాళ్లు ఉన్నారు. నాకు ఇక్కడి ప్రజలంటే చాలా ఇష్టం. అందుకే నేను తెలుగులో సినిమాలు కూడా చేస్తున్నాను. మీరు నాకు చాలా ప్రేమను ఇస్తుంటారు’’ అని పోస్ట్ పెట్టింది.

Deiii not true! Some of my closest friends are Telugu! I love Telugu people..that’s why only no I’m doing a film there now ☺️ you guys give me sooo much love 🥰 https://t.co/rV2dtVMyRR

— Malavika Mohanan (@MalavikaM_) August 11, 2024