Rajinikanth: గ్యాంగ్‌స్టర్‌గా తలైవా.. గూస్ బంప్స్ తెప్పిస్తున్న కొత్త పోస్టర్
దిశ, సినిమా: సూపర్ స్టార్ రజినీకాంత్, లోకేష్ కనగరాజ్ డైరెక్షన్‌లో తెరకెక్కుతున్న తాజా చిత్రం ‘కూలీ’. ఈ సినిమాలో టాలీవుడ్ స్టార్ హీరో నాగార్జున, శృతి హాసన్, కన్నడ సూపర్ స్టార్ ఉపేంద్ర, కీలక పాత్రలో నటిస్తున్నారు. అయితే కూలీ చిత్రాన్ని సన్‌పిక్చర్ప్ సంస్థ నిర్మిస్తుండగా.. ఇప్పటికే ఇందులోంచి విడుదలైన పోస్టర్స్ అన్ని కూలీ మూవీపై హైప్ పెంచేశాయి. ఒక రజినీకాంత్ లుక్ కూడా నెట్టింట వైరల్ అయిన విషయం తెలిసిందే. ప్రజెంట్ షూటింగ్ శరవేగంగా జరుపుకుంటున్న కూలీ నుంచి వరుస అప్డేట్స్ విడుదల చేస్తున్నారు.
ఈ క్రమంలో.. తాజాగా, మేకర్స్ రజినీకాంత్ పాత్రకు సంబంధించిన పోస్టర్‌ను విడుదల చేశారు. ఇందులో తలైవా దేవా అనే గ్యాంగ్‌స్టర్ పాత్రలో కనిపించబోతున్నట్లు పోస్టర్ ద్వారా తెలిపారు. అలాగే ఆయన చేతి 1421 నెంబర్ ఉన్న బ్యాడ్జీ ఆసక్తిని పెంచుతోంది. ప్రజెంట్ రజినీ లుక్ నెట్టింట వైరల్ అవుతుండగా.. అది చూసిన వారు గూస్ బంప్స్ వస్తున్నాయని కామెంట్లు పెడుతున్నారు. కాగా.. కూలీలో స్టార్ నటుడు సత్యరాజ్ రాజశేఖర్ క్యారెక్టర్ చేస్తున్నట్లు సమాచారం. ఆయనకు సంబంధించిన ఫస్ట్ లుక్ కూడా లోకేష్ షేర్ చేశాడు.
