టీఎఫ్‌సీసీ నంది అవార్డ్స్

దిశ, సినిమా: తెలంగాణ ప్రభుత్వ సహకారంలో తెలంగాణ ఫిల్మ్ చాంబర్స్ ఆఫ్ కామర్స్ ఆధ్వర్యంలో ‘టీఎఫ్‌సీసీ నంది అవార్డ్స్ సౌత్ ఇండియా 2023’ వేడుకలు దుబాయ్‌లో ఘనంగా జరగనున్నాయి. డా. ప్రతాని రామకృష్ణ గౌడ్ ఇందుకు సంబంధించిన ఏర్పాట్లు చేస్తుండగా... ఈవెంట్ బ్రోచర్‌ను రిలీజ్ చేశారు రచయిత, ఎంపీ విజయేంద్ర ప్రసాద్. ఈ సందర్భంగా మాట్లాడిన ఆయన.. గత కొన్నేళ్లుగా ఆగిపోయిన నంది అవార్డ్స్‌ను ప్రతాని రామకృష్ణ ప్రభుత్వ సహకారంతో అందిస్తుండటం ఆనందంగా ఉందన్నారు. అయితే తెలంగాణ సంస్కృతిని ప్రతిబింబించే చిత్రాలను స్పెషల్ నంది అవార్డ్ కేటాయిస్తే బావుంటుందని అభిప్రాయపడ్డారు.

రాష్ట్రంలో ఉన్న అద్భుతమైన టూరింగ్ స్పాట్స్‌లో 90శాతం మూవీ చిత్రీకరిస్తే.. నంది అవార్డుతో పాటు నగదు ప్రోత్సాహకాలు అందించాలని, తద్వారా తెలంగాణ టూరిజం కూడా పెరిగే అవకాశం ఉందన్నారు. ఇక ఈ కార్యక్రమంలో సినిమాటోగ్రాఫర్ కె.కె.సెంథిల్, టియ‌స్ ఐఐసి చైర్మన్ గ్యాద‌రి బాల‌మ‌ల్లు , ప్రస‌న్న కుమార్, కెయ‌ల్ న్ ప్రసాద్, శంక‌ర్ గౌడ్, అశోక్ గౌడ్, వంశీ, శ్రీశైలం, న‌టి శుభ‌శ్రీ త‌దిత‌రులు పాల్గొన్నారు

Also Read..

బుల్లితెర నటి కేసు.. కోర్టులో హాజరైన సింగర్..