తెలుగు ప్రేక్షకుల అభిమానంపై స్పందించిన సూర్య.. ఇంత ప్రేమా?

దిశ, సినిమా: సినీ ప్రేమికులు భాషతో సంబంధం లేకుండా సినిమాలను ఆదరిస్తారు. కంటెంట్‌లో క్వాలిటీ ఉంటే కచ్చితంగా హిట్ చేసేస్తారు. ఏ భాష, ఏ హీరో అని ఆలోచించకుండా థియేటర్స్ ముందు క్యూ కడుతారు. ఇందులో ముందుండేది మన తెలుగు ప్రేక్షకులకులే. ఇప్పుడు అదే విషయం మరోసారి రుజువైంది. ఒక తమిళ చిత్రం తెలుగులో రిలీజై హిట్ కొట్టడంలో ఆశ్చర్యం లేదు. కానీ అదే చిత్రం రీరిలీజై అభిమానులను అలరిస్తే ఎలా ఉంటుందనేది ‘సూర్య సన్ ఆఫ్ కృష్ణన్’తో అర్థమైంది. దీంతో తెలుగు ప్రేక్షకుల అభిమానానికి ఫిదా అయిన హీరో సూర్య ట్విట్టర్ ద్వారా రియాక్ట్ అయ్యారు. ‘ఈ ప్రేమ నాకొక పెద్ద సర్‌ప్రైజ్‌. ‘సూర్య సన్ ఆఫ్ కృష్ణన్’ టీమ్‌కు పెద్ద థాంక్స్. మీకు ఎలా కృతజ్ఞతలు తెలపాలో తెలియడం లేదు. మాటలు కూడా రావడం లేదు. మీరు బెస్ట్ అంతే’ అంటూ థియేటర్‌లో అభిమానుల హంగామకు సంబందించిన వీడియో షేర్ చేస్తూ ఆనందపడ్డారు.

This love is a huge surprise!!!
A big thank you from team #SuriyaSonOfKrishnan
Awestruck - you guys are the best!! ❤️ pic.twitter.com/N2zrxpmKrp

— Suriya Sivakumar (@Suriya_offl) August 5, 2023