ఆ సూపర్ హిట్ సినిమా పార్ట్ 4.. విలన్గా సూర్య
దిశ, సినిమా: కోలీవుడ్ స్టార్ హీరో సూర్య ప్రజెంట్ వరుస సినిమాలతో దూసుకుపోతున్నాడు. త్వరలో ‘కంగువ’ మూవీతో ప్రేక్షకుల ముందుకు వచ్చేందుకు సిద్ధంగా ఉన్న ఈ హీరో.. అప్పుడే తన తదుపరి ప్రాజెక్ట్‌ను లైన్‌లో పెట్టేశాడు. ‘Suriya 44’ అనే వర్కింగ్ టైటిల్‌తో తెరకెక్కుతున్న ఈ చిత్రానికి స్టార్ డైరెక్టర్ కార్తీక్ సుబ్బరాజు దర్శకత్వం వహిస్తుండగా.. పూజా హెగ్డే ఇందులో హీరోయిన్‌గా నటిస్తోంది. ఇక ప్రజెంట్ ఈ సినిమా షూటింగ్ జరుగుతోంది. ఇదిలా ఉంటే.. ఇప్పుడు సూర్య బాలీవుడ్ ఎంట్రీకి సిద్ధమైనట్లు తెలుస్తుంది. అయితే.. హీరోగా అనుకుంటే అది మీ పొరపాటే. హీరోగా కాకుండా విలన్గా బాలీవుడ్ ఎంట్రీ ఇస్తున్నడట సూర్య.
బాలీవుడ్ బ్లాక్ బస్టర్ ఫ్రాంచైజీ ‘ధూమ్’ చిత్రాల గురించి ప్రత్యేకంగా చెప్పాల్సిన పనిలేదు. ఇప్పటికే ఈ ఫ్రాంచైజీ చిత్రం మూడు సినిమాలు రాగా.. అన్ని బ్లాక్ బస్టర్ హిట్‌ను సొంతం చేసుకున్నాయి. ఈ ‘ధూమ్-4’ తెరకెక్కతున్నట్లు తెలుస్తోంది. అయితే.. ఫ‌స్ట్ పార్ట్‌లో జాన్ అబ్రహాం విలన్గా నటించగా.. సెకండ్ పార్ట్‌లో హృతిక్ రోష‌న్, థ‌ర్డ్ పార్ట్‌లో ఆమీర్ ఖాన్ నటించగా.. మూడు పార్ట్స్ కూడా సూపర్ డూపర్ హిట్ అందుకుని బాక్సాఫీస్ వద్ద కలెక్షన్ల వర్షాన్ని కురిపించాయి. ఇప్పుడు ‘ధూమ్ 4’ తెరకెక్కించేందుకు సన్నాహాలు సిద్ధం చేస్తుండగా.. పార్ట్ 4లో విలన్గా సూర్య న‌టించ‌బోతున్నట్లు బాలీవుడ్ మీడియా కోడై కూస్తుంది. ఒకవేళ ఇదే నిజ‌మైతే అటు త‌మిళ ఫ్యాన్స్‌తో పాటు ఇటు తెలుగు ఫ్యాన్స్‌కు కూడా పండ‌గా అనే చెప్పుకోవాలి.
