సుమంత్ 'అహం రీబూట్'.. అడివి శేష్ ఆవిష్కరించిన ఫస్ట్ గ్లిచ్
దిశ, సినిమా : టాలీవుడ్ హీరో సుమంత్ హీరోగా నటించిన చిత్రం 'అహం రీబూట్'. ప్రశాంత్ సాగర్ అట్లూరి దర్శకత్వం వహించిన ఈ సినిమా నుంచి విడుదలైన ఫస్ట్‌లుక్‌ పోస్టర్‌ విశేషంగా ఆకట్టుకుంటోంది. తాజాగా హీరో అడివి శేష్ ఈ చిత్ర మొదటి గ్లిచ్ ఆవిష్కరించారు.
ఇందులోని కొత్తదనం ఇంట్రెస్ట్ కలిగిస్తుండగా.. సుమంత్ ఖాతాలో ఈ సారి హిట్ పక్కా అనిపిస్తోంది. స్టోరీ విషయానికొస్తే.. రేడియో జాకీ(RJ)గా పనిచేసే సుమంత్కు అకస్మాత్తుగా తెలియని అమ్మాయి నుంచి కాల్ వస్తుంది. ఎవరో తనను కిడ్నాప్ చేశారని చెప్తూ వెంటనే సాయంచేయాలని కోరుతుంది. పనిలో ఉన్న సుమంత్కు ముందుగా ఎలా స్పందించాలో తెలియదు. ఎటువంటి క్లూ కూడా లేకపోవడంతో స్పాంటేనియస్‌గా కాల్‌ను ఆన్-ఎయిర్ చేసేస్తాడు. తద్వారా పోలీసులతో సంభాషణలు, ఏదో పెద్ద సమస్యలో చిక్కుకున్న మహిళ నుంచి భయంకరమైన మాటలను మనం వినవచ్చు. ఇంతకీ ఆ మహిళ ఎవరు? అనేది సస్పెన్స్‌గా మిగిలిపోయింది. చూస్తుంటే సినిమాలో ఇదే పెద్ద ట్విస్ట్ అని తెలుస్తుండగా.. ఏం జరిగిందో పూర్తిగా తెలియాలంటే సినిమా రిలీజ్ వరకు వేచి చూడాల్సిందే.
