Allu Arjun: మరో ప్రతిష్టాత్మక అవార్డు అందుకున్న అల్లు అర్జున్
దిశ, సినిమా: టాలీవుడ్ ఐకాన్ స్టార్ అల్లు అర్జున్ ‘పుష్ప’ చిత్రంతో తన కెరీర్‌లోనే బిగ్గెస్ట్ హిట్ తన ఖాతాలో వేసుకున్నాడు. పాన్ ఇండియా లెవెల్‌లో ఈ మూవీ సృష్టించిన క్రేజ్ అంతా ఇంతా కాదు. ఇందులో అల్లు అర్జున్ ‘తగ్గేదే లే’ అంటూ చెప్పే మేనరిజమ్ డైలాగ్ ఇంటర్నేషనల్ సెలబ్రిటీలు, క్రీడాకారులను సైతం ఆకట్టుకుంది. అయితే తాజాగా బన్నీ మరో ప్రతిష్టాత్మక పుర‌స్కారాన్ని ద‌క్కించుకున్నాడు. ‘బిహైండ్‌వుడ్స్ గోల్డ్ ఐకాన్స్ 2023 అవార్డు’ వేడుక శ‌నివారం చెన్నైలో వైభ‌వంగా జ‌రిగింది. ఇందులో భాగంగా ‘బిగ్గెస్ట్ ఫ్యాన్ ఫాలోయింగ్ ఇన్ ఇండియా’ అవార్డు అందుకున్నాడు అల్లు అర్జున్. అలాగే స్టేజ్ పై ‘పుష్ప’ మూవీ‌లోని శ్రీవల్లి పాటకు స్టెప్స్ కూడా వేశాడు. ఈ వేడుక‌లో మ‌ణిర‌త్నం, లోకేష్‌ క‌న‌క‌రాజ్, త్రిష, న‌య‌న‌తార, శింబు, రిష‌బ్‌శెట్టి, ఏఆర్ రెహ‌మాన్‌తో పాటు ప‌లువురు ద‌క్షిణాది స్టార్స్ పాల్గొన్నారు.
