Shraddha Kapoor: బాక్సాఫీసు వద్ద సంచలనం సృష్టిస్తున్న ‘స్త్రీ-2’.. మరో ఘనత సాధించడంతో శ్రద్దాపై ప్రశంసలు
దిశ, సినిమా: బాలీవుడ్ యంగ్ బ్యూటీ శ్రద్ధా కపూర్, రాజ్ కుమార్ కలిసి నటించిన మూవీ ‘స్త్రీ-2’. అమర్ కౌశిక్ డైరెక్షన్‌‌లో కామెడీ హారర్ మూవీగా తెరకెక్కిన స్త్రీ-2 ఆగస్టు 15న థియేటర్స్‌లో విడుదలై బ్లాక్ బస్టర్ హిట్ అయింది. అంతేకాకుండా చిన్న సినిమాగా వచ్చి ఊహించని విధంగా భారీ కలెక్షన్స్ రాబడుతూ బాక్సాఫీసు వద్ద సంచలనం సృష్టిస్తోంది.
అయితే ఇప్పటికే స్త్రీ-2 మొదటి రోజు ఏకంగా రూ. 54 కోట్లు వసూళ్లు చేసి రికార్డు క్రియేట్ చేసిన సంగతి తెలిసిందే. అలాగే బాలీవుడ్‌లో పలు రికార్డులను బద్దలు కొడుతూ థియేటర్స్‌లో దూసుకుపోతోంది. తాజాగా, స్త్రీ-2 సినిమా మరో ఘనతను సాధించింది. కేవలం ఇండియాలోనే రూ. 502 కోట్లు రాబట్టి సరికొత్త రికార్డు సొంతం చేసుకుంది. దీంతో ఈ విషయం తెలుసుకున్న శ్రద్ధా ఫ్యాన్స్ గ్రేట్ అంటూ ప్రశంసలు కురిపిస్తున్నారు. అయితే ఈ కలెక్షన్లు మరింత పెరిగే అవకాశం కూడా ఉంది. ఏ పెద్ద సినిమాలు విడుదలకు లేకపోవడంతో స్త్రీ-2 కలెక్షన్స్ భారీగా రాబట్టే అవకాశాలున్నాయి.
