ఆ సినిమా కోసం మరోసారి కొత్త అవతారం ఎత్తిన స్టార్ హీరో ధనుష్..? వైరల్ అవుతున్న న్యూస్

దిశ, సినిమా: సూపర్ స్టార్ ధనుష్, కింగ్ నాగార్జున కాంబోలో వస్తున్న లేటెస్ట్ మూవీ ‘కుబేర’. శ్రీ వెంకటేశ్వర సినిమాస్ ఓల్ఎల్‌పీ, అమిగోస్ క్రియేషన్స్ ప్రైవేట్ లిమిటెడ్‌పై సునీల్ నారంగ్, పుస్కుర్ రామ్ మోహన్ రావు నిర్మిస్తున్న ఈ పాన్ ఇండియా చిత్రాన్ని శేఖర్ కమ్ముల తమిళంతో పాటు తెలుగు, హిందీ భాషల్లో తెరకెక్కిస్తున్నారు. ఇందులో నేషనల్ క్రష్ రష్మిక మందన్న హీరోయిన్‌గా నటిస్తోంది. ఇక ఇప్పటికే వచ్చిన పోస్టర్లు, గ్లింప్స్ ఆకట్టుకున్న సంగతి తెలిసిందే. ఈ క్రమంలో ఈ సినిమాకు సంబంధించిన ఓ న్యూస్ నెట్టింట వైరల్‌గా మారింది.

ధనుష్ ఈ సినిమాలో నటిస్తున్న సంగతి తెలిసిందే. అయితే ధనుష్ యాక్టర్‌తో పాటు సింగర్ అవతారం కూడా ఎత్తినట్లు తెలుస్తోంది. ఈ చిత్రంలో ధనుష్ పాత్ర ఎంట్రో సాంగ్‌ను ఆయనే స్వయంగా పాడినట్లు తెలుస్తోంది. దేవీశ్రీ ప్రసాద్ కంపోజ్ చేసిన ఈ పాటకు భాస్కర్ భట్ల సాహిత్యం అందించాడు. ఇక ఈ సాంగ్‌ను చెన్నైలోని ఓ స్టూడియోలో రికార్డు కూడా చేసినట్లు తెలుస్తోంది. మరి ఇందులో నిజమెంత ఉందో తెలియాలంటే పాట విడుదల అయ్యే వరకు వేచి ఉండాల్సిందే.