వారికి ప్రత్యేక ధన్యవాదాలు చెబుతూ.. మృణాల్ ఠాకూర్ ఎమోషనల్ పోస్ట్
దిశ, వెబ్‌డెస్క్: యంగ్ హీరోయిన్ మృణాల్ ఠాకూర్ ‘సీతారామం’ చిత్రంతో ఇండస్ట్రీకి ఎంట్రీ ఇచ్చింది. మొదటి సినిమాతోనే సూపర్ హిట్ అందుకుని ఓవర్ నైట్‌లో స్టార్ హీరోయిన్ హోదా దక్కించుకుంది. ఇటీవల ఈ అమ్మడు లస్ట్ స్టోరీస్-2 వెబ్‌సిరీస్‌తో అలరించింది. సీతారామంలో చాలా పద్దతిగా తెలుగు అమ్మాయిగా కనిపించి అందరి మనసులు దోచేసింది. అయితే ఈ సినిమా వచ్చి సంవత్సరం పూర్తి చేసుకుంది. తాజాగా, మృణాల్ తన ఇన్‌స్టాగ్రామ్ ఓ ఎమోషనల్ పోస్ట్ షేర్ చేసింది. ‘‘ ప్రియమైన ప్రేక్షకులారా.. ఇది నా మొదటి తెలుగు సినిమా. మీరందరూ నాపై కురిపించిన ప్రేమ.. నా కలలకు మించిపోయింది. మీరు నన్ను మీ తెలుగు అమ్మాయిలా అంగీకరించారు. ఈ అందమైన ప్రయాణాన్ని చిరస్మరణీయం చేసినందుకు ప్రత్యేక ధన్యవాదాలు. రాబోయే కాలంలో మరిన్నీ విభిన్నమైన పాత్రలతో మిమ్మల్ని అలరిస్తానని మాట ఇస్తున్నా. అందుకు మీరు సిద్ధంగా ఉండండి. సీత ఉత్తమ వెర్షన్‌ని తీసుకురావడంలో నాకు సహాయం చేసినందుకు హను రాఘవపూడికి ప్రత్యేక ధన్యవాదాలు. ఈ మొత్తం అనుభవాన్ని ఎంత చిరస్మరణీయం చేసినందుకు దుల్కర్ సల్మాన్‌కు కృతజ్ఞతలు’’ అంటూ రాసుకొచ్చింది.
