పరిస్థితులు మా చేతుల్లో లేవు.. ఎన్టీఆర్ ఫ్యాన్స్, ప్రేక్షకులు క్షమించండి: నాగవంశీ (ట్వీట్)
దిశ, సినిమా: టాలీవుడ్ స్టార్ హీరో ఎన్టీఆర్, కొరటాల శివ కాంబోలో వచ్చిన ‘దేవర’ సూపర్ హిట్ టాక్‌తో దూసుకుపోతుంది. ఇప్పటికే రూ. 400 కోట్లకు పైగా గ్రాస్ కలెక్షన్స్ రాబట్టి లాభాల్లోకి వెళ్లింది. అయితే దీనికి సంబంధించిన తెలుగులో ప్రమోషనల్ ఈవెంట్ చేయక పోయినప్పటికీ ‘దేవర’ ఘన విజయం సాధించింది. అంతేకాకుండా ప్రేక్షకులను మెప్పిస్తూ బాక్సాఫీసు వద్ద సంచలనం సృష్టిస్తోంది. అయితే ‘దేవర’ విజయం సాధించినప్పటికీ మేకర్స్ సక్సెస్ మీట్ నిర్వహించలేదు. దీంతో తారక్ ఫ్యాన్స్ తీవ్ర నిరాశ చెందారు. నిత్యం పలు పోస్టులు పెడుతూ మేకర్స్‌ను రిక్వెస్ట్ చేస్తున్నారు. ఈ క్రమంలో.. తాజాగా, నిర్మాత నాగవంశీ ట్వీట్ చేశారు. ‘‘దేవర’ బాక్సాఫీస్ వద్ద అపూర్వమైన రికార్డులు నెలకొల్పడంలో పాలుపంచుకున్న ప్రతి ఒక్కరికీ ధన్యవాదాలు.
ప్రీ-రిలీజ్ ఈవెంట్ నిర్వహించలేక పోయినందున, తెలుగు రాష్ట్రాల్లోని తారక్ అన్న తన అభిమానులతో దేవర విజయాన్ని ఘనంగా జరుపుకోవడానికి ఒక ఈవెంట్‌ను నిర్వహించాలని మొండిగా పట్టుబట్టి ఉన్నారు. అయితే మేముప్రయత్నాలు చేసినప్పటికీ, దసరా, దేవీ నవరాత్రి ఉత్సవాల కారణంగా, మా భారీ విజయోత్సవ వేడుకల కోసం రెండు తెలుగు రాష్ట్రాల్లో అనుమతులు పొందలేకపోయాము. పరిస్థితి మా చేతుల్లో ఏమీ లేదు. ఈ ఈవెంట్‌ను నిర్వహించలేకపోయినందుకు అభిమానులందరికీ, మా ప్రేక్షకులను మేము హృదయ పూర్వకంగా క్షమాపణలు కోరుతున్నాము. అయినప్పటికీ, మేము ఇంకా ప్రయత్నిస్తున్నాము. బ్లాక్ బస్టర్ ‘దేవర’ తారక్ అన్నను కొత్త శిఖరాలకు తీసుకెళ్లే శక్తిగా మీరు ఉంటారని మమ్మల్ని అర్థం చేసుకుంటారని ఆశిస్తున్నాము’’ అని రాసుకొచ్చారు. దీంతో తారక్ అభిమానులు తీవ్ర నిరాశ చెందుతున్నారు.
