‘బ్రో డాడీ’నుంచి బిగ్ అప్ డేట్.. చిరు కొడుకుగా ఛాన్స్ కొట్టేసిన యంగ్ హీరో?
దిశ, సినిమా: గతేడాది భారీ విజయాన్ని అందుకున్న మలయాళ చిత్రం ‘బ్రో డాడీ’ని తెలుగులో రీమేక్‌ చేయబోతున్న విషయం తెలిసిందే. స్టార్ హీరోలు మోహన్‌లాల్‌, పృథ్వీరాజ్‌ సుకుమారన్‌ ప్రధాన పాత్రల్లో నటించిన ఈ మూవీని పృథ్వీరాజ్‌ సుకుమారన్‌ తెరకెక్కించగా మోహన్‌లాల్‌, పృథ్వీరాజ్‌ తండ్రీ కొడుకులుగా కనిపించారు. అయితే ఈ ఫ్యామిలీ కామెడీ డ్రామాను కల్యాణ్‌ కృష్ణ కురసాల తెలుగులో తెరకెక్కిస్తుండగా మోహన్‌లాల్‌ పాత్రను చిరంజీవి పోషించబోతున్నారు. అయితే కొడుకు పాత్రలో ఎవరు నటిస్తారనే విషయం ఆసక్తికరంగా మారగా.. తాజా సమాచారం ప్రకారం యువ హీరో శర్వానంద్‌ను చిరంజీవి కొడుకు పాత్రకు ఎంపిక చేసినట్లు తెలుస్తోంది. ఆగస్టు 22న చిరంజీవి బర్త్ డే సందర్భంగా ఇందుకు సంబంధించిన అధికారిక ప్రకటన వెలువడనున్నట్లు ఇండస్ట్రీలో టాక్ నడుస్తోంది. ఇక త్రిష, శ్రీలీల కథానాయికలుగా కనిపించనున్నట్లు సమాచారం.
