హాస్పిటల్‌లో అడ్మిట్ అయిన Shanmukh Jaswanth.. అసలు ఏం జరిగిందంటే?

దిశ, సినిమా: ప్రముఖ యూట్యూబర్ షణ్ముఖ్ అందరికీ సుపరిచితుడే. యూట్యూబ్‌లో సూర్య, సాఫ్ట్ వేర్ డెవలపర్ సీరిస్‌ల తో ఎంతగానో ఆకట్టుకుని, సోషల్ మీడియాలో తిరుగులేని క్రేజ్ సంపాదించుకున్నాడు. తర్వాత బిగ్ బాస్ కంటెస్టెంట్‌గా కనిపించి రెండింతల ఫాలోయింగ్ పెంచుకున్నాడు. ఈ క్రమంలో షన్నుకు ఆరోగ్యం బాగాలేక హాస్పిటల్‌లో జాయిన్ అయినట్లు సోషల్ మీడియాలో న్యూస్ వైరల్ కావడంతో అభిమానులు ఆందోళన చెందుతున్నారు. దీనికి తగినట్లే ఆయన పోస్ట్ చేసిన ఫోటో ఇప్పుడు అభిమానులను మరింత కంగారు పెడుతోంది. అయితే ఆ తర్వాత 'ఐ యామ్ ఫైన్' అంటూ పోస్ట్ పెట్టడంతో అభిమానులు కాస్త ఊపిరి పీల్చుకున్నారు. 'అరె ఏంట్రా ఇది నీ బర్త్‌ డేకు ముందు ఇలా జరిగింది. దిష్టి తగిలినట్టుంది' అని కామెంట్ చేస్తున్న ఫ్యాన్స్.. జాగ్రత్తగా ఉండాలని సూచిస్తున్నారు.