34 ఏళ్ల తర్వాత మెగాస్టార్ చిరంజీవిని కలిసిన షామిలి సిస్టర్స్.. ఆమె కూడా ఉంటే బాగుండేది అంటూ
దిశ, సినిమా: మెగాస్టార్ చిరంజీవి ప్రధాన పాత్రలో దర్శకేంద్రుడు రాఘవేంద్రరావు తెరకెక్కించిన సూపర్ హిట్ మూవీ జగదేక వీరుడు అతిలోక సుందరి. ఇందులో చిరు సరసన దివంగత హీరోయిన్ శ్రీదేవి కథానాయికగా నటించారు. ఇక ఇప్పటికీ ఈ సినిమాకు ప్రత్యేకంగా అభిమానులు ఉన్నారు. 1990 లో విడుదలైన ఈ మూవీలో బేబీ షాలిని, షామిలి, వీరిద్దరి సోదరుడు రిషి ముగ్గురు చైల్డ్ ఆరిస్టులుగా నటించి అలరించిన సంగతి తెలిసిందే. ఈ ముగ్గురు చిన్నారులతో చిరు చేసిన అల్లరి.. యాక్టింగ్ ప్రేక్షకులకు తెగ నచ్చేశాయి. ఇదిలా ఉంటే వీరు ముగ్గురు ఇప్పుడు మెగాస్టార్ చిరంజీవిని కలుసుకున్నారు. దాదాపు 34 ఏళ్ల తర్వాత మరోసారి జగదేక వీరుడు అతిలోక సుందరి మూవీ టీం ఒకే ఫ్రేములో కనిపించింది. షాలిని, షామిలి, రిషి ముగ్గురు ఇప్పుడు మెగాస్టార్ చిరంజీవిని కలుసుకున్నారు. ఇందుకు సంబంధించిన ఫోటోలు ఇప్పుడు నెట్టింట వైరలవుతున్నాయి.
జగదేక వీరుడు అతిలోక సుందరి చిత్రంలోని ఫోటోతో పాటు.. ఇప్పుడు తీసుకున్న ఫోటోను కొలైజ్ చేసి షేర్ చేసిన పిక్ ఇప్పుడు నెట్టింట హల్చల్ అవుతుంది. చాలా కాలం తర్వాత షామిలి సిస్టర్స్ చిరుతో కలిసి కనిపించడంపై డిఫరెంట్ కామెంట్స్ చేస్తున్నారు నెటిజన్లు. అదే విధంగా దివంగత హీరోయిన్ శ్రీదేవి కూడా ఆ ఫోటోలో ఉంటే బాగుండేదని కామెంట్స్ చేస్తున్నారు. మీరు కూడా ఆ ఫోటోలపై ఓ లుక్ వేయండి.
