సూర్య మూవీలో స్పెషల్ సాంగ్‌లో మెరవనున్న సీనియర్ హీరోయిన్..
దిశ, సినిమా: కోలీవుడ్ స్టార్ హీరో సూర్య ప్రజెంట్ వరుస సినిమాలతో దూసుకుపోతున్నాడు. త్వరలో ‘కంగువ’ మూవీతో ప్రేక్షకుల ముందుకు వచ్చేందుకు సిద్ధంగా ఉన్న ఈ హీరో.. అప్పుడే తన తదుపరి ప్రాజెక్ట్‌ను లైన్‌లో పెట్టేశాడు. ‘Suriya 44’ వర్కింగ్ టైటిల్‌తో తెరకెక్కుతున్న ఈ చిత్రానికి స్టార్ డైరెక్టర్ కార్తీక్ సుబ్బరాజు దర్శకత్వం వహిస్తుండగా.. పూజాహెగ్డే హీరోయిన్‌గా నటిస్తోంది. ఇప్పటికే తొలి షెడ్యూల్ పూర్తి చేసుకున్నట్లు తెలుస్తున్న ఈ మూవీ నుంచి తాజాగా మరో న్యూస్ నెట్టింట చక్కర్లు కొడుతోంది.
‘Suriya 44’ చిత్రంలో సీనియర్ హీరోయిన్ శ్రియా శరణ్‌ స్పెషల్ సాంగ్‌లో మెరువనుందని టాక్. ఊటీ షెడ్యూల్‌లో ఈ పాటను చిత్రీకరించనున్నారట మేకర్స్. పీరియాడిక్‌ వార్‌ అండ్ లవ్‌ బ్యాక్ డ్రాప్‌లో వస్తున్న ఈ సినిమాను సూర్య హోంబ్యానర్ 2డీ ఎంటర్‌టైన్‌మెంట్స్‌పై తెరకెక్కిస్తున్నారు. ఇక ఇందులో పాపులర్ మలయాళ నటుడు జోజు జార్జ్‌ కీలక పాత్రలో నటిస్తుండగా.. 2025 సంక్రాంతి స్పెషల్‌గా ఈ సినిమాను రిలీజ్ చేసేందుకు ప్లాన్ చేస్తున్నారు మేకర్స్.
