సడన్‌గా ఓటీటీకి వచ్చేసిన సత్యం రాజేశ్ సస్పెన్స్, క్రైమ్ థ్రిల్లర్ మూవీ.. స్ట్రీమింగ్ ఎక్కడంటే?
దిశ, సినిమా: సీనియర్ నటుడు సత్యం రాజేష్ గురించి ప్రత్యేకంగా చెప్పాల్సిన పని లేదు. మొదట్లో కమేడియన్‌గా చేసిన ఈయన హర్రర్ చిత్రాలు అయిన పొలిమేర 1, పొలిమేర 2 సినిమాలలో హీరోగా నటించి ఊహించని విజయం అందుకుని మంచి గుర్తింపు సంపాదించుకున్నాడు. ఇక తాజాగా ఈయన నటించిన క్రైమ్, సస్పెన్స్ థ్రిల్లర్ సినిమా 'టెనెంట్' (Tenant) ఏప్రిల్ 19న థియేటర్లలో విడుదలై మిక్స్‌డ్ టాక్ తెచ్చుకున్నది. అయితే ఇప్పుడు ఈ మూవీ సడెన్‌గా డిజిటల్ స్ట్రీమింగ్‌కు వచ్చేసింది. కాగా ఈ సినిమాకు వై.యుగంధర్ దర్శకత్వం వహించగా మోగుళ్ల చంద్రశేఖర్‌ రెడ్డి నిర్మించారు. మేఘా చౌదరి, భరత్‌ కాంత్, చందన పయావుల, ఆడుకాలం నరేన్, ఎస్తర్ కీలక పాత్రల్లో నటించారు.
ఈ తరం ఆడవాళ్లు సమాజంలో ఎంత జాగ్రత్తగా ఉండాలి, అపార్ట్‌మెంట్లలో పక్క ప్లాట్లలో ఎలాంటి వారు ఉంటారో వారితో ఎంత జాగ్రత్తగా ఉండాలంటూ మంచి సందేశాన్నిచ్చే ఈ సినిమా 'టెనెంట్' తాజాగా నేటి (07.06.2024) నుంచి ప్రముఖ ఓటీటీ ప్లాట్‌ఫాం అమెజాన్ ప్రైమ్ వీడియోలో స్ట్రీమింగ్‌కు వచ్చేసింది. సినిమా అక్కడక్కడా కాస్త స్లోగా సాగినా థియేటర్లలో సినిమాను మిస్సయిన వారు, మర్డర్ మిస్టరీలంటే ఆసక్తి ఉన్నవారు ఈ చిత్రాన్ని ఓటీటీలో చూసేయొచ్చు.
