Samantha: ఖచ్చితంగా ప్రేమ అంటూ సమంత పోస్ట్.. షాక్ అవుతున్న నెటిజన్లు
దిశ, సినిమా: టాలీవుడ్ స్టార్ హీరోయిన్ సమంత అందరికీ సుపరిచితమే. ఈ అమ్మడు ఏమాయ చేసావే సినిమాతో ఇండస్ట్రీకి ఎంట్రీ ఇచ్చి అతి తక్కువ సమయంలోనే స్టార్ హీరోయిన్‌గా మారిపోయింది. అయితే గత కొన్నేళ్ల నుంచి సమంత ఇండస్ట్రీలో స్టార్ బ్యూటీగా రాణిస్తుంది. స్టార్ హీరోలందరి సరసన నటించిన ఆమె తన అందం, అభినయం, నటనతో లెక్కలేనంత మంది అభిమానాన్ని సంపాదించుకుంది. కానీ సమంతకు మయోసైటీస్ వ్యాధి రావడంతో గత కొద్ది రోజుల నుంచి సినిమాలకు దూరంగా ఉంటుంది.
సోషల్ మీడియాలో మాత్రం యాక్టివ్‌గా ఉంటూ పలు పోస్టులతో అభిమానులతో ముచ్చటిస్తోంది. అయితే సామ్ మయోసైటీస్ వ్యాధి నుంచి కోలుకుంటుండటంతో.. ఆరోగ్యానికి సంబంధించిన విషయాలు చెబుతుంది. అలాగే పలు యాడ్స్ చేస్తూ చేతినిండా డబ్బులు సంపాదిస్తుంది. ఈ క్రమంలో.. ఆమె ఫ్యాన్స్ సినిమాల్లోకి రీ ఎంట్రీ ఇవ్వాలని ఎంత అడిగినప్పటికీ ఒక్క ప్రాజెక్టు తప్ప మరే మూవీ ప్రకటించ లేదు. దీంతో ఆమె ఇండస్ట్రీకి దూరం కానుందన్న అనుమానంలో పడిపోయారు. కానీ సమంత మాత్రం నెట్టింట వరుస పోస్టులు షేర్ చేస్తూ వార్తల్లో నిలుస్తోంది.
ఈ క్రమంలో.. తాజాగా, ఈ అమ్మడు ఓ పోస్ట్ పెట్టి అందరినీ షాక్‌కు గురి చేసింది. ముంబైలో జరిగిన ఫ్యాషన్ ఈవెంట్‌లో పాల్గొన్న సామ్ కొన్ని ఫొటోలు షేర్ చేసింది. అందులో బ్లాక్ కలర్ డ్రెస్ ధరించి హాట్ లుక్స్‌తో అందరినీ ఆశ్చర్యపరిచింది. ఈ ఫొటోలను సమంత తన ఇన్‌స్టా వేదికగా షేర్ చేస్తూ ‘‘ఖచ్చితంగా ప్రేమ’’ అనే క్యాప్షన్ జత చేసింది. ఆ పిక్స్‌లో ఆమె చాలా సన్నగా ఉండటంతో అంతా షాక్ అవుతున్నారు. ఇక వాటిని చూసిన వారంతా ఆమె అందాన్ని పొగుడుతున్నారు. అంతేకాకుండా ఎక్కువగా జిమ్ చేయడం వల్ల అలా అయిపోయావు కాస్త తగ్గించు అని సలహా ఇస్తున్నారు.
(Video Link Credits to samantharuthprabhu Instagram Channel)
