‘Kushi’ సినిమా ప్రివ్యూ షో టాక్.. Vijay Deverakondaకి హిట్ పడినట్లేనా?
దిశ,వెబ్ డెస్క్: టాలీవుడ్ యంగ్ హీరో విజయ్ దేవరకొండ ఇటీవల నటించిన లైగర్ సినిమా భారీ అంచనాల నడుమ విడుదలై అట్టర్ ఫ్లాప్ అయిన సంగతి తెలిసిందే. దీంతో ఇప్పుడు విజయ్ దేవరకొండ ‘ఖుషి’ సినిమా పైనే ఆశలు పెట్టుకున్నట్లు తెలుస్తోంది. ఇక మరొకవైపు టాలీవుడ్ కూడా విజయ్ దేవరకొండ హీరోగా నటించిన ఖుషి చిత్రం పైనే ఆసక్తిగా ఎదురు చూస్తూ ఉండటం గమనార్హం. అయితే ఇటీవల విడుదలైన పవన్ కళ్యాణ్ నటించిన బ్రో , ప్రభాస్ నటించిన ఆదిపురుష్, చిరంజీవి నటించిన భోళా శంకర్ సినిమాలన్నీ బాక్స్ ఆఫీస్ వద్ద డిజాస్టర్ గా నిలిచాయి. ఈ నేపథ్యంలో క్లాసికల్ మూవీ అయిన ‘ఖుషి’ గురించి అందరూ ఆసక్తిగా ఎదురుచూస్తున్నారు.
ఇప్పటికే సినిమాకు సంబంధించిన పాటలు, టీజర్, ట్రైలర్ అన్నీ కూడా ప్రేక్షకులను భారీగా ఆకట్టుకుంటున్నాయి. ఇక ఇందులో సమంత ఇందులో హీరోయిన్ గా నటిస్తుండగా.. శివ నిర్వాణ ఈ సినిమాకి దర్శకత్వం వహిస్తున్నారు. సెప్టెంబర్ 1వ తేదీన విడుదల కానుంది.
తాజాగా, ఈ సినిమాకి సంబంధించి ప్రివ్యూ షో ని ప్రసాద్ ల్యాబ్స్‌లో కొంతమంది మీడియా మిత్రులు, సినీ ప్రముఖుల కోసం వేసి చూపించారు. ఇక ఈ ప్రివ్యూ షో చూసిన వారు తమ అభిప్రాయాలను తెలియజేశారు. ముఖ్యంగా కలెక్షన్ల పరంగా నో డౌట్ అంటూ వారు తమ అభిప్రాయాన్ని వెల్లడిస్తున్నారు. అలాగే సమంత, విజయ్ దేవరకొండ ఇద్దరు కూడా పోటీపడి మరీ నటించారని కొన్నేళ్ల పాటు ఈ జంటను గుర్తు పెట్టుకుంటామని తెలిపారు. మొత్తానికైతే సమంత, విజయ్ దేవరకొండ క్లాసిక్ హిట్ పక్కా అందుకుంటారని వార్తలు వస్తున్నాయి.
