మెగాస్టార్‌తో జతకట్టనున్న సమంత.. ఆనందంలో ఫ్యాన్స్!
దిశ, సినిమా : సమంత అభిమానులకు తీపి కబురు అందింది. విడాకులు, మయోసైటీస్ వీటన్నింటి నుంచి బయటపడటానికి సమంత ఓ యుద్ధమే చేసిందని చెప్పాలి. ఈ బ్యూటీ దీని కోసం సినిమాలకు బ్రేక్ ఇచ్చి కొన్ని రోజుల పాటు ప్రశాంతంగా తన స్నేహితులతో కలిసి వెకేషన్స్ ఎంజాయ్ చేసింది. ఇక కాస్త ఆరోగ్యం కుదుట పడిన తర్వాత ఈ ముద్దుగుమ్మ మళ్లీ వెండితెరపై మెరవడానికి రెడీ అయ్యింది. సామ్ ఏ ప్రాజెక్ట్‌తో సెకండ్ ఇన్నింగ్స్‌లో వెండి తెర మీదకు వస్తుందా అని అభిమానులు ఆశగా ఎదురు చూస్తున్నారు. కానీ ఈ నటి నుంచి ఇప్పటి వరకు ఎలాంటి రెస్పాన్స్ లేదు. కానీ కొన్ని రోజుల క్రితం అల్లు అర్జున్‌ సరసన నటించడానికి సామ్ ఒకే చెప్పింది. అలాగే రామ్ చరణ్ సినిమాలో కూడా ఈ బ్యూటీ అవకాశం దక్కించుకుంది అంటూ అనేక వార్తలు వస్తున్నాయి. కానీ దీనిపై ఇప్పటి వరకు అధికారిక ప్రకటన అనేది ఏమీ లేదు. ఇక త్వరలోనే సామ్ ఏదో ఒక అప్డేట్‌తో ఫ్యాన్స్‌కు సర్ప్రైజ్ ఇస్తుందని వారు ఎదురు చూశారు. కానీ రీసెంట్‌గా ఈ బ్యూటీ ఆశ్రమంలో దర్శనం ఇవ్వడంతో వారి ఆశలు అడియాశలు అయ్యాయి, సమంతకు మళ్లీ ఎదో అనారోగ్య సమస్య వచ్చినట్లు ఉంది. ఇక సామ్ ఇప్పట్లో సినిమాల్లో నటించేలా లేదు అని ఫిక్స్ అయిపోయారు.
కానీ ప్రస్తుతం ఓ వార్త వారందరినీ ఆశ్చర్యానికి గురి చేస్తోంది. అది ఏమిటంటే? మెగాస్టార్‌తో జతకట్టడానికి రెడీ అయ్యింది ఈముద్దుగుమ్మ. మలయాళీ మెగాస్టార్ ముమ్మట్టి హీరోగా తెరకెక్కుతున్న ఓ సీనిమాలో సమంత హీరోయిన్‌గా నటించనున్నట్లు చిత్ర పరిశ్రమలో టాక్. అయితే ఏ మాయ చేశావే సినిమాతో తనకు మంచి లైఫ్ ఇచ్చిన డైరెక్టర్ గౌతమ్ మీనన్ కోరిక మేరకు సమంత ఈ సినిమాలో చేస్తున్నట్లు తెలుస్తోంది. మొదటి సారి సమంత మలయాళంలో నటించనుంది. అయితే దీనిపై ఇప్పటి వరకు ఎలాంటి అధికారిక ప్రకటన లేదు. కానీ ఇదే నిజం అయితే సమంత మలయాళంలోనే కాదు, టాలీవుడ్‌లో కూడా బిజీ అవుతుందని అంటున్నారు తమ అభిమానులు.
