BIG UPDATE : పుష్ప-2 లో కనిపించనున్న బిగ్ స్టార్స్.. ఇక బాక్సాఫీసు బద్దలవ్వాల్సిందే!!
దిశ, సినిమా: ఎర్ర చందనం స్మగ్లింగ్ నేపథ్యంలో తెరకెక్కిన పుష్ప చిత్రం ఏ రేంజ్ లో బ్లాక్ బస్టర్ హిట్ అయ్యిందో ప్రత్యేకంగా చెప్పుకోనవసరం లేదు. ఈ సినిమాలో అల్లు అర్జున్ అద్భతమైన నటనకు ఏకంగా ఉత్తమ జాతీయ అవార్డు అందుకున్నాడు. ఇందులో బన్నీ ఊర మాస్ పాత్రలో కనిపించి ఇరగదీశాడు. ప్రస్తుతం ఈ సినిమాకు సీక్వెల్ గా దర్శకుడు సుకుమార్ పుష్ప-2 తెరకెక్కిస్తోన్న విషయం తెలిసిందే.
రష్మిక మందన్న కథానాయికగా నటిస్తోన్న ఈ చిత్ర షూటింగ్ శరవేగంగా జరుగుతోంది. ఈ క్రమంలో ఈ చిత్ర షూటింగ్ కు బ్రేక్ ఇచ్చి.. చిత్ర బృందం హైదరాబాదుకు తిరిగివచ్చారంటూ సోషల్ మీడియాలో భారీ ఎత్తున వార్తలు వినిపిస్తున్నాయి. ఈ వార్తలో ఎంత వరకు నిజముందో తెలియదు కానీ.. ప్రస్తుతం ఈ మూవీ నుంచి మరో విషయం లీక్ అయ్యింది.
డైరెక్టర్ సుకుమార్ ఈ సినిమాలో అదనపు ముఖ్యమైన అంశాలను పరిచయం చేయాలని అనుకుంటున్నారట. కాగా సమంత, జాన్వీ కపూర్, బాలీవుడ్ స్టార్ నటుడు సంజయ్ దత్ అతిథి పాత్రలో చూపించనున్నారట. ఫస్ట్ పార్ట్ లో లాస్ట్ లో సామ్ ఓ ఐటెం సాంగ్ కు హాట్ గా స్టెప్పులేసి కుర్రాళ్లకు హీట్ పుట్టించిన విషయం తెలిసిందే. మరీ పార్ట్ - 2 లో ఈ ముగ్గురు ఏ ఏ రోల్ లో మెరవనున్నారో తెలియాలంటే ప్రతిష్టాత్మక చిత్రం పుష్ప-2 కోసం ఎదురు చూడాల్సిందే.
