అడ్వాన్స్ బుకింగ్స్‌లో డంకీని క్రాస్ చేసి రికార్డ్ సృష్టిస్తున్న ‘సలార్’.. ఎన్ని కోట్లు వచ్చాయంటే?

దిశ, వెబ్‌డెస్క్: ఒకేసారి ఇద్దరు స్టార్ హీరోల సూపర్ హిట్ చిత్రాలు ప్రేక్షకుల ముందుకు రాబోతున్నాయి. దీంతో మేకర్స్ అడ్వాన్స్ బుకింగ్స్ స్టార్ట్ చేశారు. దీంతో ఫ్యాన్స్ పోటాపోటీగా కొనుగోలు చేస్తున్నారు. రిలీజ్ సిద్ధమైన ఆ పాన్ ఇండియా చిత్రాలేంటో ఇక్కడ తెలుసుకుందాం. పాన్ ఇండియా స్టార్ ప్రభాస్ నటించిన చిత్రం ‘సలార్’. ఈ సినిమా డిసెంబర్ 22న థియేటర్స్‌లో ప్రపంచవ్యాప్తంగా విడుదల కానుంది. ఈ క్రమంలో అడ్వాన్స్ బుకింగ్స్ భారీగా జరుగుతున్నాయి. తాజాగా, అందుతున్న సమాచారం ప్రకారం.. సలార్ బుకింగ్స్‌లో దూసుపోతుంది. షారుఖ్ ఖాన్ డంకీ మాత్రం వెనుకంజలో ఉంది. సలార్ చిత్రానికి సంబంధించిన టికెట్లు దేశవ్యాప్తంగా 5, 54, 200కు పైగా అమ్ముడుపోయాయి. దీంతో రూ. 13. 66 కోట్ల వచ్చినట్లు తెలుస్తోంది. ఇక డంకీ విషయానికొస్తే 3,41,500 టికెట్లు అమ్ముడవ్వగా.. రూ. 10. 70 కోట్లు వచ్చాయట.