‘సలార్’ అడ్వాన్స్ బుకింగ్స్ స్టార్ట్.. అదిరిపోయిన రెస్పాన్స్

దిశ, సినిమా: రెబల్ స్టార్ ప్రభాస్ ‘సలార్’ మరో వారం రోజుల్లో ప్రేక్షకుల ముందుకు రాబోతుంది. డార్లింగ్ కెరీర్‌లో ఈ స్థాయి హైప్ ఉన్న సినిమా మరొకటి రాలేదు అనడంలో ఎలాంటి అతిశయోక్తి లేదు. కాగా తాజాగా ఈ మూవీ అడ్వాన్స్ బుకింగ్స్ ప్రారంభించారు మేకర్స్. కర్ణాటక, కేరళలోని లిమిటెడ్ స్క్రీన్లకు ఈ బుకింగ్స్ ప్రారంభమైనట్లు హోంబలే ఫిల్మ్స్ వెల్లడించింది. శుక్రవారం సాయంత్రం 6.49 గంటల నుంచి అడ్వాన్స్ బుకింగ్స్ ప్రారంభమయ్యాయి. ఈ విషయాన్ని ఉదయమే సోషల్ మీడియా ద్వారా హోంబలే ఫిల్మ్స్ తెలిపింది.

ఇందులో భాగంగా బెంగళూరులో ఈ మూవీ షోలు ఉదయం 5 గంటలకు మొదలు కానున్నాయి. అంటే రోజుకు ఆరు షోలు ఉండటం విశేషం. కాగా ఈ అడ్వాన్స్ బుకింగ్స్‌కు మంచి రెస్పాన్స్ వస్తోంది. ఉదయం 5 గంటల షోల టికెట్లు నిమిషాల్లోనే అమ్ముడైపోయాయి. మొత్తం 45 షోలకు అడ్వాన్స్ బుకింగ్స్ ప్రారంభం కాగా.. తొలి 40 నిమిషాల్లోనే 9 షోలు హౌజ్‌ఫుల్ కావడం.. 8 వేల టికెట్లు అమ్ముడు పోవడం జరిగిపోయింది. బెంగళూరులో తెలుగు వెర్షన్ టికెట్లకు ఫుల్ డిమాండ్ ఉందట. ప్రస్తుతం సింగిల్ స్క్రీన్ థియేటర్ల బుకింగ్స్ ప్రారంభం కాగా మల్టీప్లెక్స్ బుకింగ్స్ ఆలస్యంగా స్టార్ట్ కానున్నాయి. కానీ తెలుగు రాష్ట్రాల్లో ఇంకా మొదలు కాలేదు. కర్ణాటకలోనే ఈ రేంజ్ క్రేజ్ ఉంటే.. తెలుగు రాష్ట్రాల్లో అడ్వాన్స్ బుకింగ్స్ ఏ రేంజ్‌లో రికార్డులు బ్రేక్ చేస్తాయో చూడాలి. అంతేకాదు బెంగళూరులో ఈ అడ్వాన్స్ బుకింగ్స్ టికెట్ల ధరలు కూడా భారీగా పెంచేశారు. ఒక్కో టికెట్ ధర రూ.600 వరకు ఉండగా.. తెలుగు రాష్ట్రాల్లో ఎలా ఉంటుందో చూడాలి.