ఒకే సినిమాలో హంగామా చేయనున్న సాయిపల్లవి, శ్రీలీల

దిశ, వెబ్‌డెస్క్: ఇండస్ట్రీకి వచ్చిన మొదట్లో నాచురల్ బ్యూటీ సాయిపల్లవి ఎంత క్రేజ్ దక్కించుకుందో.. ప్రస్తుతం యంగ్ సెన్సేషనల్ హీరోయిన్ శ్రీలీల టాలీవుడ్ మొత్తాన్ని తనవైపు తిప్పుకొని వరుస హిట్లతో అంతకు మించి స్టార్ గుర్తింపు సొంతం చేసుకుంది. వీరిద్దరి డాన్స్ గురించైతే ప్రత్యేకంగా చెప్పాల్సిన అవసరం లేదు. తమ స్టేప్పులతో ఇట్టే యువతను కట్టిపడేస్తారు.

సాధారణంగా ఇద్దరు స్టార్ హీరోలు ఒకే సినిమాలో అలరిస్తే థియేటర్ మొత్తం దద్దరిల్లుతుంది. అలాగే ఇద్దరు స్టార్ కథానాయికలు ఒక ఫ్రేమ్‌లో కనిసిస్తే చూడాలని ఫ్యాన్స్ కోరుకుంటారు. కాగా శ్రీలీల, సాయిపల్లవి కాంబినేషన్‌లో ప్రేక్షకుల ముందుకు ఓ సినిమా తీసుకురావాలని నిర్మాత దిల్ రాజ్ ప్లాన్ చేస్తున్నాడని తాజాగా సోషల్ మీడియాలో వార్తలు గుప్పుమంటున్నాయి. ఈయన వీరిద్దరి కాంబోలో లేడీ ఓరియెంటెడ్ మూవీ తీయాలనుకుంటున్నారట. ఈ వార్త కనుక నిజమైతే ఇక ఫ్యాన్స్‌కు పండగే అని చెప్పుకోవచ్చు. నటన, అందం, డాన్స్‌తో ఒకరిని మించి ఒకరు పోటీపడగరు.. అలాంటి ఈ హీరోయిన్లతో సినిమా చేస్తే తప్పకుండా సూపర్ హిట్‌గా నిలుస్తుంది. ఈ ఊహ ఎంత బాగుందో అంటూ జనాలు కామెంట్లు పెడుతున్నారు.