కాంతారా2 కోసం ఏకంగా కొత్త ప్రపంచాన్నే సృష్టిస్తున్న రిషబ్.. ఏం ప్లాన్ రా బాబు!

దిశ, సినిమా : ఎలాంటి అంచనాలు లేకుండా రిలీజై రికార్డుల వర్షం కురిపించిన సినిమా కాంతారా. రిషబ్ శెట్టి దర్శకత్వం వహించడమే కాకుండా హీరోగా నటించి, తన నటనతో అందరినీ ఆకట్టుకున్నాడు. ఈ మూవీ కన్నడ ప్రేక్షకులనే కాకుండా తెలుగు ప్రేక్షకులను కూడా బాగా ఆకట్టుకొని టాలీవుడ్‌లో మంచి సక్సెస్ అందుకుంది. అయితే ఈ సినిమా కూ ప్రీ సీక్వెల్ వస్తున్న విషయం తెలిసిందే. ఎంతో మంది సినీ ప్రియులు కాంతారా2 కోసం ఎంతగానో ఎదురు చూస్తున్నారు. ఎప్పుడెప్పుడు ఈ మూవీ రిలీజ్ అవుతుందా అని వెయిట్ చేస్తున్నారు.

ఈ నేపథ్యంలోనే ఈ సినిమాకు సంబంధించిన ఓ న్యూస్ సోషల్ మీడియాలో తెగ వైరల్ అవుతోంది. అది ఏమిటంటే? ఈ మూవీ కోసం రిషబ్ శెట్టి చాలా కష్టపడుతున్నాడంట. దీని కోసం బాహుబళి రేంజ్‌లో కొత్త ప్రపంచాన్నే సృష్టించబోతున్నాడంటూ ఓ వార్త సోషల్ మీడియానే షేక్ చేస్తోంది. అందుతున్న సమాచారం ప్రకారం.. ఈ హీరో కాంతారా 2 షూటింగ్ కోసం 200x200 అడుగుల వైశాల్యంతో కుందాపుర ప్రపంచాన్ని, సెట్ రూపంలో పునః సృష్టి చేయడానికి ప్రయత్నాలు చేస్తున్నట్లు తెలుస్తోంది. అడవి బ్యాక్ డ్రాప్ లో వచ్చే కొన్ని కీలక సన్నివేశాల షూటింగ్ కోసం.. ఈ సెట్ ను ప్రిపేర్ చేస్తున్నట్లు తెలుస్తోంది. దీనికోసం దాదాపు 600 మంది కార్పెంటర్లు ఈ సెట్ కోసం రాత్రింబవళ్లు కష్టపడి పనిచేస్తున్నారట. అలాగే రిషబ్ దీని కోసం చాలా సాహసం చేస్తున్నాడంట, కొత్త కొత్త విన్యాసాలు నేర్చుకుంటున్నట్లు తెలుస్తోంది. దీంతో సినిమాపై మరిన్ని అంచనాలు పెరిగిపోయాయి.