Rishab Shetty: ‘కాంతార’ ప్రీక్వెల్.. భూత కోల వీడియో షేర్ చేసిన రిషబ్ శెట్టి

దిశ, సినిమా: ‘కాంతార’తో ఇంటర్నేషనల్ గుర్తింపు పొందిన రిషబ్ శెట్టి విమర్శకుల ప్రశంసలు అందుకున్నాడు. ప్రస్తుతం విదేశాల్లోనూ ఈ మూవీ విడుదల చేసేందుకు సన్నాహాలు జరుగుతుండగా.. పంజుర్లీ దైవానికి సంబంధించిన ఓ వీడియోను ట్విట్టర్‌లో షేర్ చేశాడు. ఈ మూవీలో భూత కోల, సంప్రదాయాల గురించి వివరించిన ఆయన.. నిజజీవితంలోనూ ఈ కార్యక్రమానికి హాజరై, ఆశీర్వదం పొందిన వీడియోను పోస్ట్ చేశాడు. కాగా ఈ క్లిపింగ్ చూసిన నెటిజన్లు.. పంజుర్లీ జీగా కనిపించిన వ్యక్తి, రిషబ్ శెట్టిలాగే ఉన్నాడని కామెంట్ చేస్తున్నారు. ఈ కల్చర్ గురించి మరిన్ని విశేషాలు తెలిపేందుకు ‘కాంతార’ ప్రీక్వెల్‌తో రావాలని కోరుతున్నారు.