'చాంగురే బంగారు రాజా' సినిమాకు శ్రీకారం..
దిశ, వెబ్‌డెస్క్: మాస్ మహారాజా రవితేజ హీరోగా మాత్రమే కాకుండా నిర్మాతగా బిజీ అవుతున్నాడు. రవితేజ ఇటీవల తన సొంత ప్రొడక్షన్ బ్యానర్ ఆర్‌టి టీమ్‌వర్క్స్‌ను ప్రారంభించాడు. యంగ్ టాలెంట్ ఉన్న సినిమాలను నిర్మించాలనే ఆలోచనలో నటుడు రవితేజ.. కొత్త సినిమాకు శ్రీకారం చుట్టాడు. 'C/O కంచరపాలెం', 'నారప్ప' వంటి చిత్రాల్లో నటించిన హీరో కార్తీక్ రత్నంతో ఇన్‌ట్రెస్టింగ్ కాంసెప్ట్‌తో రానున్నారు. కార్తీక్ రత్నం, కుషిత కల్లపు జంటగా 'చాంగురే బంగారు రాజా' అనే సినిమాను పట్టాలెక్కించాడు. అయితే క్రైమ్ కామెడీగా తెరకెక్కుతున్న ఈ చిత్రానికి సతీష్ వర్మ దర్శకత్వం వహించనున్నారు. అదేవిధంగా శ్వేత కాకర్లపూడి, షాలిని నంబు క్రియేటివ్ ప్రొడ్యూసర్స్‌గా 'ఫ్రేమ్‌బైఫ్రేమ్ పిక్చర్స్'తో కలిసి రూపొందించనున్నారు.
Jio స్వాతంత్ర దినోత్సవ ప్రత్యేక ఆఫర్: ఒక్క రీచార్జ్‌తో రెండు(2 in 1) ప్లాన్స్
