‘గర్ల్ ఫ్రెండ్’గా మారిపోయిన రష్మిక.. ఎంత క్యూట్‌గా ఉందో!

దిశ, సినిమా: ‘ఛలో’ సినిమాతో టాలీవుడ్ ఎంట్రీ ఇచ్చింది నేషనల్ క్రష్ రష్మికా మందన్న. తర్వాత వచ్చిన ‘గీతా గోవిందం’ సినిమాతో మంచి హిట్ అందుకున్న ఈ బ్యూటీ.. ప్రస్తుతం వరుస చిత్రాలతో దూసుకుపోతుంది. ఇక ఇటీవల ‘పుష్ప’ సినిమాతో సూపర్ సక్సెస్ అందుకున్న ఈ అమ్మడు.. ‘యానిమల్’ మూవీతో బాలీవుడ్‌లో తన సత్తా చాటుకుంది. ఇదిలా ఉంటే నేడు రష్మిక పుట్టిన రోజు కావడంతో ఆమె నటిస్తున్న సినిమాల నుంచి వరుస అప్‌డేట్స్ ఇస్తున్నారు మేకర్స్.

అయితే.. ఇప్పుడు ‘పుష్ప 2’ సినిమా తెరకెక్కిస్తున్న సంగతి తెలిసిందే. ఈ క్రమంలోనే బర్త్‌డే స్పెషల్‌గా ‘పుష్ప 2’ నుంచి రష్మిక లుక్ రిలీజ్ చేశారు చిత్ర బృందం. ఇందులో గ్రీన్ కలర్ పట్టుచీర కట్టుకుని, ఒంటి నిండా నగలు ధరించి నిండుగా ముత్తైదువులా కనిపిస్తూ.. కోపంగా చూస్తుంది. ఈ పోస్టర్ ఎంతగానో ఆకట్టుకోగా.. మరో సినిమా నుంచి కూడా రష్మిక ఫస్ట్ లుక్ రిలీజ్ చేశారు. అదే ‘ది గర్ల్ ఫ్రెండ్’.

ప్రస్తుతం మన నేషనల్ క్రష్ చేతిలో ‘పుష్ప 2’తో పాటు ‘ది గర్ల్ ఫ్రెండ్’ ప్రాజెక్ట్ కూడా ఉంది. ఇందులో భాగంగా ‘ది గర్ల్ ఫ్రెండ్’ మూవీ నుంచి రష్మికా మందాన ఫస్ట్ లుక్ పోస్టర్ రిలీజ్ చేశారు. పోస్టర్ ఆధారంగా రష్మిక ఓ కాలేజ్ స్టూడెంట్ అని అర్థం అవుతుంది. ఇక ఇందులో రష్మిక ఓ చేతిలో బ్యాగ్ పట్టుకుని ఓ ఫొటోలో ఉండగా, మరొక ఫొటోలో లైబ్రరీలో బుక్స్ ముందు పెట్టుకుని ఒక చేయి గడ్డంపై, మరో చేతిలో పెన్ను పట్టుకుని నవ్వుతూ చాలా క్యూట్‌గా కనిపిస్తుంది రష్మిక. ఈ పోస్టర్‌ను షేర్ చేస్తూ బర్త్‌డే విషెస్ చుప్పారు మేకర్స్.

#TheGirlfriend 🫰🏻😍
Wishing A very Happy Birthday National crush @iamRashmika garu...#HappyBirthdayRashmika pic.twitter.com/dz18fXA00b

— Movie Busstand 🎥🎬🍿 (@RVPratap2) April 5, 2024