బయోపిక్‌కు గ్రీన్ సిగ్ననల్ ఇచ్చిన దగ్గుబాటి రానా.. ఎవరిదంటే..?
దిశ, సినిమా: ‘లీడర్’ సినిమాతో టాలీవుడ్ ఎంట్రీ ఇచ్చిన నటుడు దగ్గుబాటి రానా. పవర్ ఫుల్ క్యారెక్టర్‌లలో నటిస్తూ తన కంటూ ఓ ప్రత్యేక గుర్తింపు సొంతం చేసున్నాడు. దగ్గుబాటి వారసుడిగా ఇండస్ట్రీ ఎంట్రీ ఇచ్చిన ఈయన.. ప్రస్తుతం వరుస సినిమాలు చేస్తూ నిర్మాతగా కూడా వ్యవహరిస్తున్నాడు. ఇక ఈ మధ్యకాలంలో ‘విరాట పర్వం’ తో ప్రేక్షకులను ఆకట్టుకున్న రానా.. తన బాబాయ్ దగ్గుబాటి వెంకటేష్‌తో కలిసి ‘రానా నాయుడు’ వెడ్ సిరీస్‌తో అలరించాడు. అయితే.. ఈ సిరీస్ తర్వాత మరో సినిమా అనౌన్స్ చెయ్యని రానా గురించి ప్రస్తుతం ఓ ఇంట్రెస్టింగ్ న్యూస్ సోషల్ మీడియాలో చక్కర్లుకొడుతోంది. అదేంటంటే..
రానా ఇప్పటివరకు బయోపిక్‌లో నటించ లేదనే విషయం తెలిసిందే. అయితే.. ఎన్టీఆర్ బయోపిక్‌గా వచ్చిన ‘ఎన్టీఆర్ కథానాయుకుడు’ అనే చిత్రంలో చంద్రబాబు పాత్రలో నటించాడు కానీ.. అది బయోపిక్ కాదు. కేవలం అతిధి పాత్ర మాత్రమే. కానీ ఇప్పుడు కంప్లీట్‌గా రానా ఓ బయోపిక్ చిత్రం తీయనున్నాడట. బాక్సింగ్ లెజెండ్ మహ్మద్ అలీ బయోపిక్‌లో రానా నటించబోతున్నాడని సినీ వర్గాల్లో గుసగుసలు వినిపిస్తున్నాయి. ఈ మూవీని ఇండియన్ వెర్షన్‌గా తెరకెక్కించాలని చాలా ఆసక్తిగా ఉన్నాడని... ఇప్పటికే కొంతమంది దర్శకులతో చర్చలు జరుపుతున్నాడని వార్తలు గట్టిగానే వినిపిస్తున్నాయి. అయితే.. గతంలో మహ్మద్ అలీపై పలు హాలీవుడ్ చిత్రాలు రాగా ఇప్పుడు ఇండియన్ వెర్షన్‌లో రూపొందించాలని రానా చూస్తున్నట్లు టాక్.
