మహేష్ బాబు కోసం బరిలోకి దిగిన రానా..?
దిశా, సినిమా : ప్రస్తుతం తెలుగు చిత్ర పరిశ్రమలో వారసుల హవా కొనసాగుతోంది. ఇందులో కొంత మంది స్టార్ హీరోలుగా సక్సెస్ అందుకున్నప్పటి.. కొంతమంది వారసులు మాత్రం సక్సెస్ కోసం ఇంకా పాకులాడుతూ ఉన్నారు. అలాంటి వారిలో రానా ఒకరు. వరుసగా భారీ సినిమాలు చేస్తున్నప్పటికీ హిట్ మాత్రం అందుకోలేకపోతున్నాడు. అయితే రానా సినిమాల్లోకి రాకముందు గ్రాఫిక్స్‌కి సంబంధించిన పనులకు కాంట్రాక్ట్‌లు తీసుకునేవాడు. అలా ఒకప్పుడు రానా వీఎఫ్‌ఎక్స్‌కి సంబంధించిన పనులు చూసుకునేవాడz. ఇందులో భాగంగా మహేష్ బాబు రానాకు సంబంధించిన ఓ వార్త వైరల్ అవుతోంది.
మహేష్ బాబు హీరోగా దర్శకుడు గుణశేఖర్ తెరకెక్కించిన ‘సైనికుడు’ చిత్రం అంతా చూసే ఉంటారు. మంచి పొలిటికల్ మూవీగా ప్రేక్షకులను ఎంతో ఆకట్టుకుంది. అయితే ఈ సినిమాలో ఓ ఫైట్ సీన్స్‌ లో బ్రిడ్జి కూలిపోయే సన్నివేశం ఉంది. కాగా ఈ బ్రిడ్జి కూలిన సన్నివేశాని రానానే గ్రాఫిక్స్ చేశారు. కానీ ఈ విషయం ఇప్పటి వరకు ఎవరికీ తెలియదు. ఇక ఆ సీన్ అంత సహజంగా రాకపోయినా అప్పట్లో ఉన్న టెక్నాలజీకి అనుగుణంగా ఆ స్థాయిలో అవుట్ పుట్ తీసుకురావడం అనేది గొప్ప విషయం అనే చెప్పాలి.
