Ram Charan: పెద్ద మీసాలు, డిఫరెంట్‌ గడ్డంతో కనిపించనున్న రామ్‌చరణ్‌!
దిశ, సినిమా: గ్లోబల్ స్టార్ రామ్‌చరణ్‌, డైరెక్టర్ బుచ్చిబాబు కాంబినేషన్‌లో ఓ మూవీ వస్తున్న విషయం తెలిసిందే. ఈ చిత్రానికి ‘పెద్ది’ అనే టైటిల్‌ని ఫిక్స్ చేసినట్లు తెలుస్తుండగా.. త్వరలోనే దీనిపై అధికారిక ప్రకటన రావాల్సి ఉంది. అంతే కాకుండా ఇటీవలే ఈ సినిమా పూజా కార్యక్రమాలతో ప్రారంభమైన సంగతి తెలిసిందే. అయితే ప్రస్తుతం రామ్‌చరణ్‌, శంకర్‌ దర్శకత్వంలో రూపొందుతున్న ‘గేమ్‌చేంజర్‌’ షూటింగ్‌లో పాల్గొంటున్నారు. ఈ చిత్రం షూటింగ్‌ పూర్తి కానందువల్లే ‘పెద్ది’ చిత్రీకరణ డిలే అవుతూ వస్తుంది.
ఇక ఎట్టకేలకు రామ్‌చరణ్‌, బుచ్చిబాబు చిత్రం కోసం సెప్టెంబరు నుంచి డేట్స్‌ కేటాయించాడు. ఈ చిత్రంలో గ్లోబల్ స్టార్ డిఫరెంట్‌ గెటప్‌లో కనిపించబోతున్నాడు. రామ్‌చరణ్‌ను పెద్దమీసాలు, డిఫరెంట్‌ గడ్డంతో న్యూ అవతార్‌లో ప్రెజెంట్‌ చేయనున్నాడు బుచ్చిబాబు. రానున్న రెండు నెలలో పెద్ది చిత్రానికి కావాల్సిన మేకోవర్‌లో రామ్‌చరణ్‌ ఉంటాడని సమాచారం. జాన్వీ కపూర్‌ హీరోయిన్‌గా నటిస్తున్న ఈ చిత్రానికి ఏఆర్‌ రెహమన్‌ సంగీతం, రత్నవేలు ఫోటోగ్రఫీని అందిస్తున్నారు.
