అనంత్ అంబానీతో రజనీకాంత్ డ్యాన్స్.. సూపర్ స్టార్ స్టెప్పులకు ఫ్యాన్స్ ఫిదా (వీడియో)
దిశ, సినిమా: ప్రపంచ కుబేరుడు, రిలయన్స్ అధినేత ముకేశ్ అంబానీ, నీతూ అంబానీ చిన్న కుమారుడు అనంత్ అంబానీ వివాహ వేడుకలు అట్టహాసంగా జరుగుతున్నాయి. శుక్రవారం వీరి వివాహం జరగనుండగా.. ఈ వేడుకకు దేశ, విదేశాలకు చెందిన సినీ, రాజకీయ, వ్యాపార ప్రముఖులు మంబైకి తరలి వస్తున్నారు. అలాగే టాలీవుడ్, బాలీవుడ్‌తో పాటు ఇతర ఇండస్ట్రీలకు చెందిన తారలు సందడి చేస్తున్నారు. ఈ క్రమంలోనే అనంత్ అంబానీ, రాధిక పెళ్లి వేడుకల్లో స్పెషల్ అట్రాక్షన్‌గా నిలిచాడు మన సూపర్ స్టార్ రజినీ కాంత్. ఇక పెళ్లి కొడుకు అనంత్ అంబానీతో పాటు రజినీ కాంత్ ఇంకా అనిల్ కపూర్ డ్యాన్స్‌లు అందరినీ ఆకట్టుకున్నాయి. దీనికి సంబంధించిన ఓ వీడియో ప్రజెంట్ సోషల్ మీడియాలో వైరల్‌గా మారింది. దీనిని చూసిన నెటిజన్లు.. రజినీ కాంత్ అంత యాక్టివ్‌గా డ్యాన్సులు చెయ్యడంతో ఆశ్చర్యపోవడంతో పాటు.. ఆనందం వ్యక్తం చేస్తున్నారు.
