ప్రభాస్ ను క్రాస్ చేసిన రజినీకాంత్.. ఇప్పటి వరకు ఉన్న రికార్డులన్నీ బ్రేక్

దిశ, వెబ్‌డెస్క్: హీరో రజనీకాంత్ నటించిన ‘జైలర్’ చిత్రం భారీ అంచనాలతో ఇటీవలే విడుదలైన సంగతి తెలిసిందే. ఈ సినిమా బాక్సాఫీసు వద్ద సునామీ సృష్టించింది. ఇప్పటి వరకూ రూ.40 కోట్లు షేర్ వసూళ్లు వచ్చాయి. వరల్డ్ వైడ్‌గా 11 రోజుల్లో 500కోట్ల రూపాయలకు పైగా గ్రాస్ వసూళ్లను రాబట్టిన ఈ చిత్రం.. ఫుల్ రన్‌లో రూ. 650 కోట్లు కలెక్షన్లు వస్తాయని జనాలు అంచనా వేస్తున్నారు. అయితే కేవలం ఓవర్సీస్ నుంచే ఇప్పటివరకు రూ.200 కోట్లు గ్రాస్ వసూళ్లు వచ్చాయట. అలాగే కర్ణాటక ప్రాంతంలో 60 కోట్లకు పైగా వచ్చాయట. అయితే మన తెలుగు హీరోస్‌ కూడా ఇప్పటి వరకు ఇంతటి కలెక్షన్లు రాబట్టలేదు. ప్రభాస్ ‘బాహుబలి’ చిత్రం మాత్రమే రూ.100 కోట్ల గ్రాస్‌ను కొల్లగొట్టింది. గత ఏడాది రిలీజైన ‘ఆర్ఆర్ఆర్’ సినిమా 84 కోట్లు మాత్రమే వసూలు చేసింది. కానీ రజినీకాంత్ ఏకంగా నార్మల్ కమర్షియల్ చిత్రంతో రికార్డ్స్‌ను బద్దలు కొట్టేశాడు. అంటూ నెటిజన్లు సోషల్ మీడియాలో చర్చించుకుంటున్నారు.