అనంత్ అంబానీ పెళ్లిలో అమితాబ్‌ని చూసి సడెన్‌గా ఆ పని చేసిన రజినికాంత్.. ఫొటోలు చూసి షాక్ అవుతున్న నెటిజన్స్
దిశ, సినిమా: ప్రముఖ బిజినెస్ మ్యాన్, రిలయన్స్ ఇండస్ట్రీస్ అధినేత ముఖేష్ అంబానీ చిన్న కుమారుడు అనంత్ అంబానీ, ప్రముఖ వ్యాపార వేత్త వీరేన్ మర్చంట్ కుమార్తె రాధిక మర్చంట్‌ని జూలై 12న అంగరంగ వైభవంగా ముంబైలోని జియో వరల్డ్ కన్వన్షన్‌ సెంటర్‌లో వివాహమాడారు. కాగా వీరి పెళ్లికి సినీ తారలు తరలి వచ్చిన విషయం తెలిసిందే. ఈ క్రమంలో ఇండియాలోని అత్యంత టాప్ సెలబ్రిటీస్‌లు అయిన రజనీకాంత్, అమితాబ్ బచ్చన్‌లు మరోసారి అనంత్-రాధికల వివాహ వేడుకల్లో కలుసుకున్నారు. ఈ నేపథ్యంలో వారికి సంబంధించిన ఓ వీడియో ప్రస్తుతం నెట్టింట వైరల్ అవుతోంది.
శుభ ఆశీర్వాద్ వేడుకల్లో బిగ్ బి అమితాబ్ బచ్చన్ కనిపించిన వెంటనే తమిళ సూపర్ స్టార్ రజనీకాంత్ ఒక్కసారిగా ఆయనకు కాళ్లకు నమస్కరించారు. అయితే దీన్ని గమనించిన బిగ్ బి వద్దని ఆప్యాయంగా పలకరించారు.ఆ తర్వాత ఇద్దరూ కరచాలనం చేసి ఆప్యాయంగా మాట్లాడుకున్నారు. అంబానీ పెళ్లికి ఇరువురూ తమ కుటుంబాలతో కలిసి హాజరయ్యారు. కాగా దాదాపు 33 ఏళ్ల క్రితం వీరిద్దరూ కలిసి ఓ సినిమాలో కలిసి నటించారు. మరోసారి ఇద్దరు స్టార్స్ కలిసి స్క్రీన్ షేర్ చేసుకోనున్నారు. రజనీకాంత్ ‘వెట్టయన్’ చిత్రంలో అమితాబ్ బచ్చన్ ఓ కీలక పాత్ర పోషించబోతున్నారు.
