రజనీకాంత్ జైలర్-2లో అతిథి పాత్రలో అగ్ర హీరో..ఎవరో తెలిస్తే షాక్ అవ్వాల్సిందే?
దిశ,వెబ్‌డెస్క్:కోలీవుడ్ సూపర్ స్టార్ రజనీకాంత్ టాలీవుడ్ ప్రేక్షకుల ప్రత్యేక పరిచయం అవసరం లేదు. టాలీవుడ్ లోనూ ఈ సూపర్ స్టార్‌కి ఫ్యాన్స్ ఫాలొయింగ్ ఎక్కువే. రజనీకాంత్ హీరోగా.. నెల్సన్ దిలీప్ కుమార్ డైరెక్షన్లో జైలర్ సినిమా తెరకెక్కిన సంగతి తెలిసిందే. ఈ సినిమా భారీ సక్సెస్ సాధించడంతో రజనీకాంత్‌కు స్ట్రాంగ్ త్రో బ్యాక్ వచ్చింది. బాక్స్ ఆఫీస్ వద్ద సినిమా రూ.500 కోట్ల భారీ వసూలు రాబట్టి నిర్మాతలకు కాసుల వర్షం కురిపించింది. ప్రస్తుతం ఈ మూవీకి సీక్వెల్ తీయనున్నారు. అందుకోసం స్క్రిప్ట్ కూడా సిద్ధం చేసే పనిలో బిజీగా ఉన్నాడట డైరెక్టర్ నెల్సన్ దిలీప్.
ఇక తాజాగా ఈ సీక్వెల్‌పై ఓ ఇంట్ర‌స్టింగ్ అప్డేట్ వైర‌ల్‌గా మారింది. నందమూరి మాస్ హీరో జైలర్ 2 లో ఓ కీలక పాత్రలో నటించబోతున్నాడు అంటూ తెలుస్తుంది. ఇంతకీ ఆయన ఎవరు ఆయన నటించబోతున్న పాత్ర ఏంటో ఒకసారి తెలుసుకుందాం. నందమూరి నట‌సింహ బాలకృష్ణ ఈ సినిమాల్లో గెస్ట్ రోల్ లో నటించబోతున్నాడట. ఓ ప‌వ‌ర్‌ఫుల్‌ గ్యాంగ్ స్టార్‌గా ఆయన పాత్ర క్లైమాక్స్‌లో కీలకంగా ఉండబోతుందని సమాచారం. మొదటి భాగంలో మోహన్ లాల్, శివరాజ్ కుమార్ అతిథి పాత్రలో మెప్పించనున్న సంగతి తెలిసిందే.
