చిరంజీవికి ప్రతిష్టాత్మక అవార్డు.. Pawan kalyan ఏమన్నారంటే?

దిశ, వెబ్ డెస్క్: ప్రముఖ నటుడు చిరంజీవికి ఇండియన్ ఫిల్మ్ పర్సనాలిటీ ఆఫ్ ది ఇయర్ అవార్డు రావడం పట్ల జనసేన అధినేత, ఆయన సోదరుడు పవన్ కళ్యాణ్ కీలక ట్వీట్ చేశారు. ''తెలుగు చలన చిత్రసీమలో శిఖర సమానులు, అన్నయ్య చిరంజీవిని ఇండియన్ ఫిల్మ్ పర్సనాలిటీ ఆఫ్ ది ఇయర్-2022 పురస్కారం వరించడం ఎంతో సంతోషాన్ని కలిగించింది. గోవాలో జరుగుతున్న 53వ అంతర్జాతీయ చలన చిత్రోత్సవాల్లో భాగంగా భారత ప్రభుత్వం ప్రకటించిన ఈ పురస్కారం అన్నయ్య కీర్తి కీరిటంలో చేరిన మరొక వజ్రం. ఈ ఆనంద సమయంలో నా మార్గదర్శి అన్నయ్య చిరంజీవికి హృదయ పూర్వక అభినందనలు తెలియజేస్తున్నాను. నాలుగు దశాబ్ధాలకు పైగా సాగుతున్న అన్నయ్య సినీ ప్రస్థానం, తనను తాను మలచుకొని ప్రేక్షకుల హృదయాల్లో సుస్థిర స్థానం సంపాదించుకోవడం నాతో సహా ప్రతి ఒక్కరికి స్ఫూర్తిదాయకం. అంతర్జాతీయ చలన చిత్ర వేదికపై అన్నయ్య చిరంజీవికి ఈ గౌరవం దక్కుతున్నందుకు ఎంతో ఆనందిస్తున్నాను'' అని పవన్ కళ్యాణ్ పేర్కొన్నారు. కాగా సినీ పరిశ్రమకు చిరంజీవి అందించిన సేవలకు గాను కేంద్ర ప్రభుత్వం గోవాలో ఆదివారం జరిగిన ఇంటర్నేషనల్ ఫిల్మ్ ఫెస్టివల్ ఆప్ ఇండియా కార్యక్రమంలో ఈ అవార్డును ప్రకటించిన విషయం తెలిసిందే. అవార్డు ప్రకటించడంతో చిరంజీవికి సినీరంగ ప్రముఖులు అభినందనలు తెలుపుతున్నారు.

Read more:

1.మెగాస్టార్ చిరంజీవి ఎమోషనల్ పోస్ట్ కారణం అదే?