ఆరు భారీ సినిమాలను లైనులో పెట్టిన ప్రభాస్.. పండుగ చేసుకుంటున్న ఫ్యాన్స్

దిశ, సినిమా: ఈశ్వర్ మూవీతో తెలుగు ఇండస్ట్రీలోకి అడుగుపెట్టిన ప్రభాస్ ఆ తర్వాత విడుదలైన వర్షం సినిమాతో మంచి విజయాన్ని అందుకున్నాడు. రాజమౌళి దర్శకత్వంలో వచ్చిన ఛత్రపతి సినిమా ప్రభాస్ జీవితాన్నే మార్చేసింది. దీంతో ప్రభాస్ టాలీవుడ్‌లో స్టార్ హీరోగా ఎదిగాడు. ఆ తర్వాత రాజమౌళ తీసిన బాహుబలి సినిమా ప్రభాస్‌ని పాన్ ఇండియా లెవెల్లో స్టార్ హీరోగా నిలబెట్టింది.

కల్కి బ్లాక్ బస్టర్ అవ్వడంతో ప్రభాస్ స్పీడ్ ని మరింత పెంచాడు. రెబల్ స్టార్ ఏకంగా ఆరు ఇండియా సినిమాలే లైనులో పెట్టాడు.ఈ మధ్య కాలంలో రిలీజ్ అయినా ప్రభాస్ సలార్ మంచి హిట్ అందుకుంది.. కాగా ఈ మూవీకి సీక్వెల్ కూడా అతి త్వరలోనే రానుంది. ఇంకోవైపు ప్రభాస్ మారుతీ డైరెక్షన్లో ‘రాజాసాబ్’ తెరకెక్కుతున్న విషయం తెలిసిందే. ఈ సినిమా చిత్రీకరణ కూడా 50 పర్సెంట్ అయిపోయిందని తెలిసిన సమాచారం. ఇంకో రెండు నెలల్లో మొత్తం పూర్తివుతుందని అంటున్నారు. సీతారామం ఫేమ్, హను రాఘవపూడి దర్శకత్వంలో కూడా ఓ సినిమా చేయనున్నాడు.

వీటితో పాటు సందీప్ రెడ్డి వంగ.. కాంబోలో ‘స్పిరిట్’ మూవీని ప్రకటించారు. ఇది ప్రీ ప్రొడక్షన్ లో ఉంది. 2025 లో షూట్ స్టార్ట్ చేస్తారని సందీప్ రెడ్డి వంగ తెలిపాడు. అలాగే బాలీవుడ్ డైరెక్టర్ సిద్దార్థ్ ఆనంద్ డైరెక్షన్లో కూడా ఓ మూవీ ఉందని గతంలో అనౌన్స్ చేసారు. కల్కి పార్ట్ 2, 60 శాతం షూట్ కంప్లిట్ అయిందని.. ఈ మూవీ నిర్మాత తెలిపాడు. ఈ విధంగా.. ఆరు పాన్ ఇండియా సినిమాలతో.. బిజీగా ఉన్నాడు.