నయనతార కొత్త సినిమా ట్రైలర్‌ను రిలీజ్ చేసిన Prabhas..

దిశ, వెబ్‌డెస్క్: లేడీ సూపర్ స్టార్ నయనతార మరోసారి లేడీ ఓరియెంటెడ్ 'కనెక్ట్' అనే సినిమాతో ప్రేక్షకుల అలరించడానికి సిద్ధమైంది. 'కనెక్ట్'‌కు అశ్విన్ శరవణన్ దర్శకత్వం వహించాడు. ఈ చిత్రం నుంచి ఇప్పటికే విడుదలైన పోస్టర్స్, టీజర్ భారీ అంచనాలను పెంచేశాయి. హార్రర్ థ్రిల్లర్‌గా తెరకెక్కుతున్న ఈ సినిమాలో వాన ఫేమ్ వినయ్ రాయ్, సత్యరాజ్, అనుపమ్ ఖేర్ కీలక పాత్రల్లో కనిపించనున్నారు. డిసెంబర్ 22వ తేదీన ఈ సినిమా థియేటర్లలో తెలుగు, తమిళ భాషల్లో విడుదల కానుంది. తెలుగులో ప్రముఖ యూవీ క్రియేషన్స్ ఈ సినిమాను విడుదల చేయనున్నారు. తాజాగా, ఈ కనెక్ట్ సినిమా ట్రైలర్‌ను నిన్న అర్ధరాత్రి 12 గంటలకు పాన్ ఇండియా స్టార్ ప్రభాస్ చేతుల మీదుగా రిలీజ్ చేశారు మేకర్స్. కాగా, ఈ సినిమా ఇంటర్వెల్ లేకుండా ఉండబోతుందని ఇటీవల చిత్రబృందం ప్రకటించిన విషయం తెలిసిందే.