1000 కోట్ల క్లబ్‌లో చేరిన 'కల్కి2898 ఏడీ'.. కర్ణుడు గెటప్‌లో పవర్‌ఫుల్‌గా కనిపించిన ప్రభాస్
దిశ, సినిమా: పాన్‌ ఇండియా హీరో ప్రభాస్ నటించిన తాజా చిత్రం 'కల్కి 2898ఏడీ'. టాలెంటెడ్ డైరెక్టర్ నాగ్‌ అశ్విన్‌ దర్శకత్వంలో వచ్చిన ఈ సినిమాలో లెజెండరీ యాక్టర్స్ అమితాబ్‌ బచ్చన్‌, కమల్‌హాసన్‌, దీపికా పదుకునే, దిశాపటాని ముఖ్యపాత్రల్లో నటించారు. భారీ అంచనాల మధ్య జూన్‌ 27న విడుదలై యూనివర్శల్‌ టాక్‌తో బ్లాక్‌బస్టర్‌ విజయాన్ని అందుకుంది కల్కి. హాలీవుడ్‌ రేంజ్‌లో రూపొందిన ఈ మూవీ చిన్న పిల్లల నుండి పెద్దల వరకు అందరిని ఎంతగానో ఆకట్టకుంది. ముఖ్యంగా బుజ్జి కారు స్పెషల్ అట్రాక్షన్‌గా నిలిచింది.
అంతే కాకుండా రిలీజైన మొదటి షోతోనే మంచి సక్సెస్‌తో దూసుకుపోతుంది. దీంతో బాక్సాఫీస్ వద్ద కలెక్షన్ల సునామీ సృష్టించిన ఈ చిత్రం తాజాగా 1000 కోట్ల క్లబ్‌లో చేరింది. ముఖ్యంగా ఓవర్సీస్‌లోనే ఈ చిత్రం దాదాపుగా రూ. 200 కోట్లు కలెక్ట్‌ చేసింది. తెలుగు, తమిళ, కన్నడ, మలయాళ, హిందీ భాషల్లో కలిసి ఈ మైలురాయిని 'కల్కి2898 ఏడీ' దాటింది. అంతేకాదు ఇప్పటికి ఈ సినిమా హౌస్‌ఫుల్‌ కలెక్షన్స్‌తో రన్‌ అవుతోంది. అంతే కాకుండా భవిష్యత్‌లో కల్కి వసూళ్లు మరింత పెరిగే అవకాశం ఉందని చెబుతున్నారు సినీ విశ్లేషకులు. బాహుబలి, ఆర్‌ఆర్‌ఆర్‌ తరువాత రూ. 1000 కోట్లు సాధించిన తెలుగు చిత్రంగా 'కల్కి2898 ఏడీ' నిలిచింది. ఇందుకు సంబంధించిన కొత్త పోస్టర్‌ను విడుదల చేశారు మేకర్స్‌. ఈ పోస్టర్‌లో ప్రభాస్ కర్ణుడు గెటప్‌లో మోస్ట్‌ పవర్‌ఫుల్‌గా కనిపిస్తున్నాడు.
Read More..
