ప్రభాస్, హను రాఘవపూడి కాంబోలో రాబోతున్న సినిమాకు టైటిల్ ఫిక్స్!
దిశ, సినిమా: పాన్ ఇండియా స్టార్ ప్రభాస్ వరుస సినిమాలు చేస్తూ ఇండస్ట్రీని షేక్ చేస్తున్నాడు. ఇటీవల నాగ్ అశ్విన్, డార్లింగ్ కాంబోలో వచ్చిన ‘కల్కి’ పాజిటివ్ టాక్‌తో దూసుకుపోతుంది. అలాగే కలెక్షన్స్ కూడా భారీగా రాబడుతూ బాక్సాఫీసు వద్ద రికార్డులు సృష్టిస్తోంది. విడుదలై రెండు వారాలే అవుతున్నప్పటికీ రూ.1000 కోట్ల క్లబ్‌లో చేరిపోయింది. ఇక ప్రభాస్ ప్రజెంట్.. అదే ఫామ్‌లో రాజాసాబ్‌తో పాటు సీతారామం డైరెక్టర్ హను రాఘవపూడితో కూడా ఓ మూవీ చేస్తున్నాడు.
తాజాగా, ఈ సినిమాకు టైటిల్ ఫిక్స్ చేసినట్లు వార్తలు వైరల్ అవుతున్నాయి. హను రాఘవపూడి, ప్రభాస్ కాంబోలో రాబోతున్న చిత్రానికి ‘ఫౌజీ’ అనే టైటిల్ పెట్టినట్లు టాక్. ఈ సినిమా యుద్ధం నేపథ్యంలో సాగే ఓ రొమాంటిక్ డ్రామా కావడంతో ఈ పేరును పెట్టారని తెలుస్తోంది. దీనిపై అధికారిక ప్రకటన విడుదల కావాల్సి ఉంది. ఇక ఈ విషయం తెలిసిన ప్రభాస్ ఫ్యాన్స్ ఫుల్ ఖుషీ అవుతున్నారు. అయితే ఇందులో మృణాల్ ఠాకూర్ హీరోయిన్‌గా నటిస్తుండగా.. మైత్రీ మూవీ మేకర్స్ తెరకెక్కిస్తున్నారు.
