Mahesh Babu - Rajamouli: మూవీకి పవర్ ఫుల్ టైటిల్ ఫిక్స్ .. సోషల్ మీడియాను షేక్ చేస్తున్న పోస్ట్
దిశ, సినిమా: టాలీవుడ్ సూపర్ స్టార్ మహేష్, రాజమౌళి కాంబినేషన్‌లో ఎస్ఎస్ఎంబి-29 సినిమా రాబోతున్న సంగతి తెలిసిందే. ఈ భారీ ప్రాజెక్ట్ కోసం మహేష్ బాబు పూర్తిగా సోషల్ మీడియాకు దూరంగా ఉంటూ ఎస్ఎస్ఎంబీ-29 కోసం కొన్ని కసరత్తులు నేర్చుకుంటున్నారు. అయితే ఇటీవల ఆయన పిలక కట్టుకుని గుబురు గడ్డంతో ఉన్న ఫొటో ఒకటి నెట్టింట వైరల్ కావడంతో రాజమౌళి మూవీపై భారీ అంచనాలు నెలకొన్నాయి. దీనికి రాజమౌళి తండ్రి విజయేంద్ర ప్రసాద్ కథను రెడీ చేయగా.. ప్రీ ప్రొడక్షన్ పనులు జరుపుకుంటుంది. ఈ ఏడాది చివర్లో షూటింగ్ ప్రారంభం కానున్నట్లు సమాచారం. అయితే ఈ సినిమా నుంచి ఎలాంటి అప్డేట్ విడుదల కాలేదు.
ఇటీవల మహేష్ బాబు పుట్టినరోజు కావడంతో విష్ చేస్తూ ఓ పోస్టర్ అయినా విడుదల చేస్తారని ఫ్యాన్స్ ఊహించారు. కానీ వారికి నిరాశే ఎదురైంది. ఎస్ఎస్ఎంబీ-29 నుంచి ఎలాంటి అప్డేట్ విడుదల కాలేదు. ఇదిలా ఉంటే.. తాజాగా, ఈ సినిమాకు టైటిల్ ఫిక్స్ అయినట్లు వార్తలు వైరల్ అవుతున్నాయి. ఎస్ఎస్ఎంబీ-29 విజులవ్ డెవలప్మెంట్ ఆర్టిస్ట్ టీపీ విజయన్ తన సోషల్ మీడియా వేదికగా ఓ ఆసక్తికర ఫొటో షేర్ చేస్తూ ఈ చిత్రం పేరును క్యాప్షన్‌ పెట్టాడు. బంగారం గరుడ రెక్కల ఫొటో షేర్ చేయడంతో దానిని ఫ్యాన్స్ గరుడ టైటిల్ అని ఫిక్స్ అయిపోయి షేర్ చేస్తూ సోషల్ మీడియాను షేక్ చేస్తున్నారు. అలాగే ఎస్ఎస్ఎంబీ టైటిల్ ఇదే అని సోషల్ మీడియాలో పలు వార్తలు జోరందుకున్నాయి. ఇందులో నిజమెంత అనేది తెలియనప్పటికీ.. ఈ విషయం తెలిసిన సూపర్ స్టార్ ఫ్యాన్స్ ఆనందపడుతున్నారు. వపర్ ఫుల్‌గా ఉందని అంటున్నారు.
