సూర్యతో పూజా హెగ్డే రొమాన్స్.. ‘లవ్ లాఫ్టర్ వార్’ నుంచి ఫస్ట్ లుక్ పోస్టర్ అదుర్స్
దిశ, సినిమా: కోలీవుడ్ స్టార్ హీరో సూర్య ప్రస్తుతం ‘కంగువ’ షూటింగ్‌లో ఫుల్ బీజిగా ఉన్నాడు. ఈ సినిమాను డైరెక్టర్ శివ తెరకెక్కిస్తుండగా.. స్టూడియో గ్రీన్ అండ్ మూవీ క్రియేషన్స్ బ్యానర్‌పై రాజా, ప్రమోద్ నిర్మిస్తున్నారు. అయితే ఈ మూవీ రిలీజ్ కాక ముందే కార్తీక్ సుబ్బరాజుతో ఓ మూవీ చేస్తున్నట్లు అధికారిక ప్రకటన విడుదలైంది. దీనిని 2డీ ఎంటర్‌టైన్‌మెంట్స్ వారు నిర్మిస్తుండగా.. జోజు జార్జ్ కీలక పాత్రలో కనిపించనున్నాడు.
అయితే ఇది సూర్య 44వ చిత్రంగా రాబోతుంది. తాజాగా, ఈ సినిమాలో హీరోయిన్‌గా టాలీవుడ్ బుట్టబొమ్మ పూజా హెగ్డే హీరోయిన్‌గా సెలెక్ట్ అయింది. మేకర్స్ ఆమెకు వెల్‌కమ్ చెబుతూ ఫస్ట్ లుక్ పోస్టర్‌ను రిలీజ్ చేశారు. ఇందులో పూజా హెగ్డే పట్టు చీర కట్టి నగలు ధరించి పల్లె పువ్వులు పెట్టుకుని సంప్రాదాయ లుక్‌తో చెట్టు పక్కకు నిల్చుంది. ప్రస్తుతం ఈ పోస్టర్ ప్రేక్షకులను ఆకట్టుకుంటోంది. అయితే ఈ సినిమా షూటింగ్ జూన్‌ చివరలో స్టార్ట్ కానున్నట్లు సమాచారం.
