Bhola Shankar సినిమాలో పవర్ స్టార్.. లీక్ చేసిన మెగాస్టార్ (వీడియో)
దిశ, వెబ్‌డెస్క్: మెగాస్టార్ చిరంజీవి అప్‌కమింగ్ మూవీ భోళా శంకర్. ఈ చిత్రానికి మెహర్ రమేశ్ దర్శకత్వం వహిస్తున్నాడు. మిల్కీ బ్యూటీ తమన్నా కథానాయికగా నటిస్తుండగా.. చిరంజీవి చెల్లెలి పాత్రలో మహానటి కీర్తి సురేశ్ నటిస్తోంది. మరో కీలక పాత్రలో అక్కినేని హీరో సుశాంత్ నటిస్తున్నాడు. అయితే, ఇప్పటికే ఈ చిత్రం నుంచి విడుదలైన పోస్టర్స్, టీజర్‌, సాంగ్స్‌కు ప్రేక్షకుల నుంచి అద్భుతమైన రెస్పాన్స్ వచ్చింది. ఇదిలా ఉండగా.. ఈ చిత్రానికి సంబంధించిన ఓ కీలకమైన విషయాన్ని మెగాస్టార్ చిరంజీవి లీక్ చేశారు. ఈ మేరకు సోషల్ మీడియా వేదికగా పోస్టు పెట్టి స్వయంగా ప్రకటించారు.
ఈ సినిమాలో పవన్ కల్యాణ్ పాటలకు డ్యాన్స్ చేయడం, కొన్ని సందర్భాల్లో పవర్ స్టార్‌ను ఇమిటేట్ చేయడం వంటివి చేసినట్లు చిరు లీక్ చేశారు. అంతేకాదు, సినిమాలో పవన్ కల్యాణ్ ఖుషీ సినిమాలోని ఓ సాంగ్‌కు డ్యాన్స్ చేసిన వీడియోను ఏకంగా ట్విట్టర్ వేదికగా విడుదల చేశారు. దీంతో ‘లీక్ చేస్తే చేశావ్ కానీ, అదిరిపోయే విషయం చెప్పావు అన్నా’ అంటూ సోషల్ మీడియాలో ఫ్యాన్స్ కామెంట్లు పెడుతున్నారు. పవర్ స్టార్ సాంగ్స్‌కు మీరు చేసిన డ్యాన్సులు స్క్రీన్ మీద చూడానికి ఆగలేకపోతున్నామంటూ ట్వీట్ల మీద ట్వీట్లు చేస్తున్నారు. కాగా, గతంలో అనేక సినిమాల్లో మెగాస్టార్ సాంగ్స్‌కు పవన్ కల్యాణ్ డ్యాన్సులు చేసిన విషయం తెలిసిందే.
