పాన్ ఇండియా హీరోలు బీ రెడీ ఇన్నాళ్లకు సరైన విలన్ వచ్చాడు.. ‘మిరాయ్’ న్యూ గ్లింప్స్ రిలీజ్
దిశ, సినిమా: మంచు మనోజ్ గురించి ప్రత్యేకంగా చెప్పాల్సిన అవసరం లేదు. ఎన్నో సినిమాలలో నటించి తనకంటూ సపరేట్ ఫ్యాన్ ఫాలోయింగ్‌ను పెంచుకున్నాడు. కొన్ని కారణాల రిత్యా సినిమాలకి బ్రేక్ ఇచ్చిన మనోజ్ ఇప్పుడు పవర్‌పుల్ విలన్ క్యారెక్టర్‌తో మళ్ళి మన ముందుకు రాబోతున్నాడు. మనోజ్ విలన్ గా ఎంట్రీ ఇస్తుండటం ఆసక్తికరంగా మారింది.
తేజ సజ్జా హీరోగా కార్తీక్ ఘట్టమనేని దర్శకత్వంలో రూపొందుతున్న చిత్రం 'మిరాయ్'. పీపుల్ మీడియా ఫ్యాక్టరీ నిర్మిస్తున్న ఈ సినిమాలో మనోజ్ విలన్ గా నటిస్తున్నాడు. మనోజ్ పుట్టినరోజు(మే 20) సందర్భంగా తాజాగా అతని పాత్రను పరిచయం చేస్తూ గ్లింప్స్ విడుదల చేశారు. వరల్డ్ లోనే మోస్ట్ డేంజరస్ ఫోర్స్ 'బ్లాక్ స్వార్డ్ గా మనోజ్ పాత్రను పరిచయం చేసిన తీరు ఆకట్టుకుంది.
స్టైలిష్ విలన్ గా మనోజ్ లుక్, స్క్రీన్ ప్రెజెన్స్ అదిరిపోయాయి. గ్లింప్స్ చూస్తుంటే.. లేట్ గా అయినా మనోజ్ కి సరైన పాత్ర పడిందనే అభిప్రాయం కలుగుతుంది. 'మిరాయ్' సినిమా పాన్ ఇండియా వైడ్ గా 2025, ఏప్రిల్ 18న విడుదల కానుంది.
