ముసలోడి సినిమాలేవ్వడు చూస్తారు: Megastarకు ఐ బొమ్మ దిమ్మతిరిగే షాక్
దిశ, వెబ్‌డెస్క్: ప్రముఖ మూవీ వెబ్సైట్ ఐబొమ్మ గురించి తెలుగు ప్రేక్షకులకు చెప్పాల్సిన అవసరం లేదు. వందల రూపాయలు ఖర్చుపెట్టి థియేట్లకు వెళ్లి సినిమా చూడలేని వారంతా ఐ బొమ్మలో చూస్తూ ఉంటారు. అయితే ఐబొమ్మ తాజాగా సినీ పరిశ్రమకు గట్టి వార్నింగ్ ఇస్తూ ఓ నోటు రాసిన సంగతి తెలిసిందే. నిర్మాతలు హీరోలకు ఎక్కువ పారితోషికం ఇస్తూ ఎక్కువ రేట్లకు సినిమాలను అమ్ముతున్నారు. డిస్ట్రిబ్యూటర్లు కూడా చాలా రేట్లు పెట్టి మధ్యతరగతిని దోచుకుంటున్నారు అంటూ విమర్శిస్తూ రాసుకొచ్చింది. అలాగే మెగాస్టార్ చిరంజీవి చిత్రాలు మా వెబ్ సైట్‌లో జనాలు పట్టించుకోవడం లేదు. ఆయన మూవీస్ చూడ్డానికి ఎవ్వరూ అంతగా ఇంట్రెస్ట్ చూపడం లేదు. ఈ జనరేషన్‌ వారికి అస్సలు కనెక్ట్ కావడం లేదు. కాబట్టి మా ఐబొమ్మ మూవీ బృందం చిరు చిత్రాలను వెబ్సైట్‌లో అప్లోడ్ చేయాలని అనుకోవడం లేదని తెలిపింది. ఈ న్యూస్ విన్న మెగా ఫ్యాన్స్ ఐబొమ్మపై దారుణంగా ఫైర్ అవుతూ కామెంట్లు చేస్తున్నారు. మరికొందరెమో.. మరీ ఆ ముసలోడి సినిమాలేవ్వడు చూస్తాడు అంటున్నారు. ప్రస్తుతం ఈ విషయంపై సోషల్ మీడియాలో తీవ్రంగా చర్చ జరుగుతుంది.
