జాన్వీ కపూర్‌పై ప్రశంసలు కురిపించిన ఎన్టీఆర్.. ఏమన్నారంటే?
దిశ, సినిమా: యంగ్ టైగర్ ఎన్టీఆర్, కొరటాల శివ కాంబోలో తెరకెక్కిన మూవీ ‘దేవర’. ఇందులో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తుంది. అయితే ఈ సినిమాతోనే ఆమె టాలీవుడ్ ఇండస్ట్రీకి పరిచయం కాబోతుంది. దీనిని ఎన్టీఆర్ ఆర్ట్స్, యువ సుధా ఆర్ట్స్ బ్యానర్లపై మిక్కిలినేని సుధాకర్, హరికృష్ణ నిర్మించారు. దేవర మూవీ సెప్టెంబర్ 27న గ్రాండ్‌గా పాన్ ఇండియా రేంజ్‌లో విడుదల కానుంది. ఈ క్రమంలో మేకర్స్ ప్రమోషన్స్‌లో ఫుల్ బిజీ అయిపోయారు. తాజాగా, దేవర సినిమా టీమ్‌ను సందీప్ రెడ్డి వంగా ఇంటర్వ్యూ చేశాడు. ఇందులో భాగంగా ఎన్టీఆర్ జాన్వీపై ప్రశంసలు కురిపించారు. మీ ఫస్ట్ మూవీ కదా ఇబ్బందిగా అనిపించిందా అని జాన్వీ కపూర్‌ను సందీప్ అడగ్గా.. ఎన్టీఆర్ మాట్లాడుతూ.. ఆమె అద్భుతమైన టాలెంట్ ఉన్న అమ్మాయి.
బాలీవుడ్ నుంచి వచ్చినప్పటికీ భలే చక్కగా డైలాగ్స్ చెప్పడం చూసి నేను షాకయ్యాను’’ అని చెప్పుకొచ్చాడు. ఆ తర్వాత.. దేవర సినిమా గురించి ప్రశ్నించగా.. ఒక హీరో అందరిలో ఉన్న ధైర్యాన్ని వెలికి తీసేందుకు నిలబడతాడు. కానీ ఈ మూవీలో ధైర్యంతో ఇష్టం వచ్చినట్లు ప్రవర్తించే కొంతమందికి భయం రుచి చూపించేందుకు హీరో వస్తాడు. ఇదొక పూర్తి స్థాయి యాక్షన్ డ్రామా. ఫైట్ సీక్వెన్స్‌ల కోసం చాలా కష్టపడ్డాము. దాదాపు 35 రోజుల పాటు నీటిలో ఒక యాక్షన్ ఎపిసోడ్ షూట్ చేశాం. ఈ చిత్రానికి అదే హైలెట్‌గా నిలుస్తుంది. 1980, 90లో జరిగిన కథ ఆధారంగా దేవరను తెరకెక్కించాం.
ప్రత్యేకంగా దీని కోసం విభిన్న ప్రపంచాన్ని సృష్టించాం. విడుదల తర్వాత ఫస్ట్ 15 నిమిషాల్లోనే ప్రేక్షకులు దేవర సినిమాలో లీనమై పోతారు. ముఖ్యంగా ఈ చిత్రంలో భైరా పాత్ర కీలకంగా ఉంటుంది. ఈ క్యారెక్టర్‌కు సైఫ్ అలీఖాన్ మాత్రమే న్యాయం చేస్తారని తీసుకున్నాం. ఇందులోని సీన్స్ చూశాక ఆయన టాలెంట్‌ను ఇప్పటి వరకూ ఎవరు ఉపయోగించలేదని అనిపించింది’’ అని చెప్పుకొచ్చాడు. ప్రజెంట్ జాన్వీ కపూర్‌పై ఎన్టీఆర్ కామెంట్స్ నెట్టింట వైరల్ అవుతున్నాయి.
Read More..
సముద్రంలోని షార్క్ సీన్ గురించి ఎన్టీఆర్ ఆసక్తికర వ్యాఖ్యలు.. 35 రోజులు వాటర్‌లోనే!
