విజయ్‌తో 'రెడ్డి గారి' ఫైట్.. గోపీచంద్ సినిమానే వేదిక

దిశ, సినిమా : గోపీచంద్ మలినేని డైరెక్షన్‌లో తెరకెక్కుతున్న బాలయ్య '107'వ చిత్రం కోసం ప్రేక్షకులు ఎంతగానో ఎదురుచూస్తున్నారు. ఈ సినిమాలో బాలయ్యకు జోడీగా శ్రుతి హాసన్ నటిస్తోంది. ఇప్పటికే విడుదల చేసిన ఫస్ట్ లుక్ పోస్టర్‌కు మంచి స్పందన లభించగా.. జూన్ 10న బాలయ్య బర్త్‌డే సందర్భంగా సినిమా టైటిల్‌ ఫిక్స్ చేసే అవకాశాలున్నాయి. దీంతో పాటుగా ఓ చిన్న వీడియో కూడా రిలీజ్ చేయొచ్చని గుసగుసలు వినిపిస్తున్నాయి. అయితే ఈ మూవీకి ఇప్పటికే 'రెడ్డిగారు' అనే టైటిల్‌ ఫిక్స్ చేసినట్లు తెలుస్తోంది. కానీ అది ఎంతవరకు నిజమో తెలియాలంటే జూన్ 10 వరకు వేచి చూడాల్సిందే. ఇక దునియా విజయ్ విలన్‌గా కనిపించబోతున్న చిత్రానికి తమన్ సంగీతం అందించనున్నాడు.